ރައީސް މުއިއްޒު ވެރިކަމަށް ވަޑައި ގަތުމަށް ފަހު، މިއީ މާލޭގެ އެކި ސަރަހައްދުތަކުން ކަރަންޓް ކެނޑުނު 3 ވަނަ ފަހަރެވެ. ޕީޕީއެމްގެ ކުރީގެ ސަރުކާރުގައިވެސް، ކަރަންޓުގެ ޚިދުމަތް މިގޮތަށް ކެނޑުމަކީ އާންމު ކަމެކެވެ.
މިރޭ ކަރަންޓު ކެނޑިފައިވަނީ ކުރިން އެއްވެސް އެންގުމަކާއި ނުލައެވެ. ސްޓެލްކޯގެ 2 އިންޖީނެއް ނިވިފައިވާއިރު، ކަރަންޓު ލިބޭނެ ވަގުތެއް ޔަގީން ކަމާއެކު ނޫސްވެރިން ސުވާލު ކުރުމުންވެސް ސްޓެލްކޯއަށް ބުނެ ނުދެވުނެވެ. ކުއްލިއަކަށް ކުރިން އެނގުމަކާއި ނުލައި ކަރަންޓު ކެނޑުމުން، ބައެއް ފަރާތްތައް އިމާރާތްތަކުގެ ލިފްޓުގައި ތާށިވެފައި ވާކަމުގެ މައުލޫމާތުވެސް ލިބެއެވެ.
ފާއިތުވު އެއް މަސް ދުވަސްތެރޭގައި ފެނުގެ ޚިދުމަތްވެސް ވަނީ 2 ރަށަކުން ކެނޑިފައެވެ.
މުއިއްޒު ސަރުކާރުގެ އެކި ކުންފުނިތަކާއި، މުއައްސަސާތަކަށް އައްޔަން ކޮށްފައިވަނީ ތައުލީމީ ފެންވަރު ދަށް ގާބިލުކަމެއް ނެތް ފަރާތްތަކެވެ.