ރާއްޖެއިންވެސް މިހާރު ފެނިފައިވާ ކޮވިޑް-19 އާ ގުޅިގެން މާލެސިޓީގައި ހިންގަމުންދާ މާރުކޭޓްތައް ހަވީރު 16:00 ގައި ބަންދު ކުރުމަށް މާލެ ސިޓީ ކައުންސިލުން އަންގައިފިއެވެ.
އެ ކައުންސިލުން ނެރުނު އިއުލާނެއްގައި ބުނެފައި ވަނީ، ކޮވިޑް-19އާ ގުޅިގެން ހެލްތް ޕުރޮޓެކްޝަން އޮތޯރިޓީ (އެޗްޕީއޭ)އިން ނެރުއްވާފައިވާ ޞިއްޙީ ކުއްލިނުރައްކަލުގެ ޙާލަތާ ގުޅިގެން މާލެސިޓީގައި ހިމެނޭ މާލެ ސިޓީ ކައުންސިލްގެ ބެލުމުގެ ދަށުގައިވާ މާރުކޭޓްތަކުން ޚިދުމަތް ދޭ ގަޑިތަކަށް މާދަމާއިން ފެށިގެން ބަދަލު ގެނެވިފައިވާ ކަމަށެވެ.
1 މާލޭ ލޯކަލްމާރުކޭޓް. ހެނދުނު 6:00 ން ހަވީރު 16:00 އަށް.
2. މާލޭ ދަތުރުވެރިންގެ މާރުކޭޓް. ހެނދުނު 6:00 ން ހަވީރު 16:00 އަށް.
3. މާލޭ މަސްމާރުކޭޓް . ހެނދުނު 6:00 ން ހަވީރު 16:00 އަށް
4. ވިލިމާލެ ލޯކަލްމާރުކޭޓް. ހެނދުނު 6:00 ން ހަވީރު 16:00 އަށް.
އެހެންކަމުން މާރުކޭޓު ގޮޅިތައް ހިންގާ ފަރާތް ތަކުންނާއި އަދި މާރުކޭޓުން ވިޔަފާރި ކުރާ ފަރާތްތަކުން މި ގަޑިތަކަށް އަމަލު ކުރުމަށް ވަނީ އެ ކައުންސިލުން އެދިފައެވެ.
އެ ކައުންސިލުން މާރުކޭޓް ގޮޅިތައް ހަވީރު 4 އަށް ބަންދު ކުރާ ގޮތަށް ހަދާފައިވާއިރު، މާލެ ސިޓީގައި 24 ގަޑިއިރު ހިދުމަތް ދޭ ފިހާރަތައް ރޭގަނޑު 11:00އަށް ބަންދު ކުރަން އެޗްޕީއޭއިން ވަނީ އަންގާފައެވެ. އަދި ކޮންމެ ދުވަހަކު ތިން ގަޑިއިރަށް މާލެ ސިޓީ ލޮކްޑައުން (ފުރަބަންދު) ކުރުމަށް ވަނީ ނިންމާފައެެވެ.
ކޮވިޑް-19 އާ ގުޅިގެން ރާއްޖޭގައި ސިއްހީ ކުއްލި ނުރައްކަލުގެ ހާލަތު އިއުލާނުކޮށްފައި ވަނީ މާރިޗް 12 ވަނަ ދުވަހުއެވެ.