ވެރިކަމަށް އައުމަށް 2018 ވަނަ އަހަރުގެ ރިޔާސީ އިންތިހާބުގެ ކެމްޕެއިންގައި ވީ ވައުދުތައް ތަކުރާރުކުރުން ފިޔަވާ އިތުރު "ފޯމިއުލާއެއް" ރައީސް އިބްރާހީމް މުހައްމަދު ސޯލިހުގެ ނެތް ކަމަށް ގަލޮޅު އުތުރު ދާއިރާގެ މެންބަރު އީވާ އަބްދުﷲ ވިދާޅުވެއްޖެ އެވެ.
ރައީސް އިބްރާހީމްގެ ރިޔާސީ ޕްރައިމަރީ ކެމްޕެއިން ނިންމުމަށް ރޭ އައްޑޫގައި ބޭއްވި ބޮޑު ޖަލްސާގައި ވަހަކަދައްކަވަމުން އެމަނިކުފާނު ވަނީ ރާއްޖޭގެ 357 ރަށުގައި ފްލެޓު އަޅާ ނިމިފައިވާ ކަމަށް ވިދާޅުވެފަ އެވެ. ރައީސް އިބްރާހީމް މިހެން ވިދާޅުވިއިރު ރާއްޖޭގައި މީހުން ދިރިއުޅެނީ 187 ރަށުގަ އެވެ.
އެކަމަކު ގިނަ ރަށްރަށަށް ކެމްޕެއިނަށް ވަޑައިގެން ރައީސް ތަކުރާރު ކުރެއްވީ 2018 ވަނަ އަހަރު ރިޔާސީ ކެމްޕެއިންގެ ތެރެއިން އެތަންތަނަށް ވެފައިވާ ވައުދުތަކެވެ.