މިއަހަރުގެ ފުރަތަމަ ހަތަރު މަސްދުވަހުގެ ތަފާސްހިސާބުތަކަށް ބަލާއިރު، ބޭންކް އޮފް މޯލްޑިވްސް (ބީއެމްއެލް) އިން ކަސްޓަމަރުންގެ އެކި ބޭނުންތަކަށް މަހެއްގެ މައްޗަށް އެވްރެޖްކޮށް 74 މިލިއަން ޑޮލަރު ވިއްކަމުންދާ ކަމަށް އެ ބޭންކުން ހާމަކޮށްފިއެވެ.
"ބޭންކަށް ލިބޭ ޑޮލަރުގެ މިންވަރު ޒަރޫރީ ބޭނުންތަކަށް ދަތިނުވާނެހެން މެނޭޖް ކުރަމުން މިދަނީ،" ޝަރީފް ވިދާޅުވިއެވެ.
އެންމެ ފަހުން ގެނައި ބަދަލާއެކު، ރާއްޖެއިން ބޭރުގައި ތިބޭ 18 އަހަރު ނުފުރޭ ދަރިވަރުންނަށްވެސް 1,200 ޑޮލަރުގެ ލިމިޓަކާއެކު ޚާއްޞަ ސްޓޫޑެންޓް ކާޑެއް ދޫކުރުމަށް ބީއެމްއެލްއިން ވަނީ ނިންމާފައެވެ. މިއީ ބެލެނިވެރިޔާގެ ކާޑު ބޭނުންކުރާ ދަރިވަރުންނަށް ލުއިފަސޭހަ ކޮށްދިނުމަށް އެޅި ފިޔަވަޅެކެވެ.