ވެލާނާ އިންޓަނޭޝަނަލް އެއާޕޯޓު (ވީއައިއޭ)ގައި މިދިޔަ އަހަރު 89،163 ޓަނުގެ ކާގޯ ހޭންޑްލް ކުރި ކަމަށާއި އެއީ އޭގެ ކުރީ އަހަރާ އަޅާބަލާއިރު %10 އިތުރު މިންވަރެއް ކަމަށް އެ އެއާޕޯޓުން މިއަދު ބުނެފި އެވެ.
ވީ ކިހިނެއް؟ - ވީއައިއޭން މިއަދު އާންމުކުރި މިދިޔަ އަހަަރުގެ ކާގޯއާ ގުޅޭ ތަފާސްހިސާބުތަކަށް ބަލާއިރު، މިިދިޔަ އަހަރު ހޭންޑްލް ކުރި ކާގޯގެ ތެރޭގައި ހިމެނެނީ:
ރާއްޖެ ގެނައި 66،840 ޓަނުގެ ކާގޯ
ރާއްޖޭން ގެންދިޔަ 22،323 ޓަނުގެ ކާގޯ
ތަފްސީލް - މީގެ އިތުރުން، މިދިޔަ އަހަރު ވީއައިއޭގައި 16،372 ޓަނުގެ ޓްރާންސްޝިޕްމެންޓް ކާގޯ ވެސް ހޭންޑްލްކުރި ކަމަށް އެ އެއާޕޯޓުން ބުންޏެވެ. މިއީ 2024 ވަނަ އަހަރާ އަޅާބަލާއިރު %22 އިތުރު އަދަދެކެވެ.
ވީއައިއޭން މިދިޔަ އަހަރު ހޭންޑްލް ކުރި ޓްރާންސްޝިޕްމެންޓު ކާގޯގެ ތެރޭގައި ހިމެނެނީ:
ސީ-ޓި-އެއާ ކާގޯގެ 3،192 ޓަނު
އެއާ-ޓު-އެއާ ކާގޯގެ 13،180 ޓަނު
ވީއައިއޭގައި މިދިޔަ އަހަރު 524 ފްރައިޓާ މޫމަންޓު ރެކޯޑުކޮށްފައިވެ އެވެ.
އެ އެއާޕޯޓަށް އެންމެ ގިނައިން ކާގޯ އުފުލި އެއާލައިންތަކުގެ ތެރޭގައި ހިމެނެނީ:
އެފްކޮމް
ފްލައިވާޔޫ
އެމްޖެޓްސް
ގަތަރު ކާގޯ
ނެޝަނަލް އެއާލައިންސް
އެއާ މާސްޓާ
އެމްއެންޖީ އެއާލައިންސް