މޯލްޑިވްސް އިސްލާމިކް ބޭންކުގެ (އެމްއައިބީ) ކާޑު، ފައިސާވެއާ ޓެގް ނުވަތަ
އަނގޮޓިން ވިޔަފާރިކޮށްގެން އަޒަރުބައިޖާން ދަތުރެއް ލިބޭ ޕްރޮމޯޝަނެއް
ފަށައިފި އެވެ.
ވީ ކިހިނެއް؟ - މާޗް މަހުގެ 28 ވަނަ ދުވަހުގެ ނިޔަލަށް ކުރިޔަށް ގެންދާ މި ޕްރޮމޯޝަންގައި
ބައިވެރިވެވޭނީ އެމްއައިބީ ކާޑު، ފައިސާވެއާ ޓެގް ނުވަތަ ފައިސާވެއާ އަނގޮޓިން
އެމްއައިބީ ޕީއޯއެސް ނުވަތަ ގްލޯބަލް ޕޭ މެދުވެރިކޮށް ފައިސާ ދައްކާ
ކަސްޓަމަރުންނަށެވެ.
ތަފްސީލް - މި ޕްރޮމޯޝަންގެ ދަށުން އަޒަރުބައިޖާން ދަތުރެއް ލިބުމުގެ އިތުރުން ކޮންމެ ހަފްތާއަކު ވެސް ނަސީބުވެރި 10 ފަރާތަކަށް ކޭޝްބެކް ލިބޭނެ އެވެ. އެގޮތުން:
ކޭޝްބެކް ލިބޭނީ ހަފަތާއަކު މަދުވެގެން 5 ޓްރާންސެކްޝަން ހަދާ ކަސްޓަމަރުންގެ ތެރެއިން ގުރުއަތުން ހޮވޭ ކަސްޓަމަރުންނަށް
ރާއްޖޭގެ ކޮންމެ ރަށެއްގައި ހުރެގެން ވެސް އެމްއައިބީ
ކަސްޓަމަރުންނަށް މި ޕްރޮމޯޝަންގައި ބައިވެރިވެވޭނެ އެވެ.
އެމްއައިބީން ވަނީ ރާއްޖޭގެ އާބާދީ ބޮޑު އެކި ރަށްރަށުގައި 1،600އަށް ވުރެ ގިނަ
ޕީއޯއެސް މެޝިން ބަހައްޓާފަ އެވެ. އަދި ރާއްޖޭގެ ބޮޑެތި އެކި ވިޔަފާރިތަކަށް އެ ބޭންކުގެ ގްލޯބަލް ޕޭ މެދުވެރިކޮށް ފައިސާ ދެއްކޭނެ އެވެ.
ބޭންކަށް ނުގޮސް އެމްއައިބީގެ އެކައުންޓު ހުޅުވޭނެ އެވެ. އެ ބޭންކުގެ 'އެޕްލައިނައު' ޕޯޓަލް
މެދުވެރިކޮށް ދުނިޔޭގެ ކޮންމެ ތަނެއްގައި ހުރެގެން ވެސް އެކައުންޓު ހުޅުވޭނެ އެވެ.
މީގެ އިތުރުން، އެ ބޭންކުގެ ކޮންމެ ބްރާންޗަކަށް ގޮސްގެން ވެސް ވަގުތުން ލިބޭ
އިންސްޓަންޓް ކާޑު ހޯދޭނެ އެވެ.