އުރީދޫން 2026 ވަނަ އަހަރުގެ ކަލަންޑަރު، 'ޓީ ވިތު އުރީދޫ'ގެ ނަމުގައި ނެރެފި އެވެ.
ވީ ކިހިނެއް؟ - ކޮންމެ އަހަރަކު ވެސް އުރީދޫގެ ކަލަންޑަރުން ކިޔައިދެނީ ދިވެހި ސަގާފަތާއި އުފެއްދުންތެރިކަމާއި ތަޖުރިބާ ހިއްސާ ކުރާ ވާހަކައެކެވެ. މި އަހަރުގެ ކަލަންޑަރުގައި ފާހަގަކުރަމުން މި އަންނަނީ ރާއްޖޭގެ ޖީލުތަކާއި މުޖުތަމައުތައް ގުޅުވައިދޭ ސަގާފަތެއް ކަމަށްވާ 'ސައި'ގެ މައްޗަށެވެ.
ތަފްސީލް - ޒަމާނުއްސުރެ ރާއްޖޭގެ ގޭގޭގައި ސަޔަކީ ހަމައެކަނި ބުއިމަކަށް ވުރެ މާ ބޮޑު އެއްޗެކެވެ. އެއީ ދުވަސް ފަށުމަށާއި ބުރަ ދުވަހެއްގެ މެދުތެރެއިން ހަމަޖެހިލުމަށް ނަގާ ބްރޭކެއް ނުވަތަ އާއިލާ އާއި ރަހުމަތްތެރިން ބައްދަލުވާ ގޮތެކެވެ. "ހިނގާ ސަޔައް؟" މި ލަފުޒަކީ ކޮންމެ ގުޅުމަކަށް، ކޮންމެ މުނާސަބަކަށް ފަހި ސުވާލެކެވެ.
މި ސަގާފަތާ ގުޅުވައިގެން 2026 ވަނަ އަހަރުގެ ކަލަންޑަރުގައި ކޮންމެ މަހަކު ވެސް ތަފާތު ސައިގެ ބާވަތެއް ހިމަނާފައިވާނެ އެވެ. މި ކަލަންޑަރުގައި ގެނެސްދީފައިވަނީ ރާއްޖޭގެ އެކި ކަންކޮޅުތަކުގައި ލިބެން ހުންނަ މޭވާ އަދި މާމެލާމެލި ރަހަތައް ހިމޭ ސަ އެވެ. ކޮންމެ ސަފްހާއަކުން ފެނިގެންދާނީ ސައިގައި އެކުލެވިގެންވާ މައި ރަހައިގެ ބާވަތެވެ.
ބުނީ ކީކޭ؟ - "އުރީދޫގައި އަޅުގަނޑުމެން ގަބޫލުކުރާ ގޮތުގައި ގުޅުންތަކަކީ ހަމައެކަނި ޓެކްނޮލޮޖީގެ ޒަރީއާއިން ބަދަހިވާ އެއްޗެއް ނޫން. ސައި ބުއިމުގެ ސަގާފަތަކީ ދިވެހިން އެކަކު އަނެކަކާ ގުޅުން ބަދަހިވުމުގެ އެއް މެދުވެރިއެއް،" އުރީދޫ މޯލްޑިވްސްގެ ސީއީއޯ އަދި މެނޭޖިން ޑިރެކްޓަރު ހާލިދު އަލް ހަމާދީ ވިދާޅުވި އެވެ.
"މުހިންމު ގިނަ ވަގުތުތަކުގައި، އޮފީސް މަސައްކަތުގައި ވިޔަސް، ރައްޓެހިން ނުވަތަ އާއިލާ އެއްވެލާ ވަގުތުތަކުގައި ވެސް ސައި ބުއިމަކީ ދިވެހިންގެ އާދަކާދައިގައި ހިމެނޭ މުހިންމު ކަމެއް. އުރީދޫގެ 2026 ވަނަ އަހަރުގެ ކަލަންޑަރުގެ ތެރެއިން އަޅުގަނޑުމެން ބޭނުންވީ މި އާދަ ކާދަ ދިރުވަން."
އުރީދޫން މި އަހަރު:
ޑެސްކް ކަލަންޑަރުގެ އިތުރުން ފާރުގައި އަޅުވާ ކަލަންޑަރެއް އަދި ޑިޖިޓަލް ކަލަންޑަރެއް ވެސް ތައާރަފްކުރި
ކޮންމެ މަހަކު ވެސް ދިވެހި ރަހަތައް ހިމަނާފައިވާ ހާއްސަ ގްރީންޓީ ބްލެންޑެއްގެ ޓީ ކޭކެއް ޑެސްކް ކަލަންޑަރާ އެކު ހިމަނާފައިވާނެ