ހުޅުމާލޭގައި މިރޭ ހިނގި މާރާމާރީއެއްގައި އެކެއްގެ ނޭފަތް ފަޅާލައިފި އެވެ.
ފުލުހުން ބުނީ ހުޅުމާލެ ފޭސް އެކެއްގައި ހުންނަ ކެފޭއެއްގެ ކައިރީގައި ދެ މީހެއްގެ މެދުގައި މާރާމާރީއެއް ހިންގި މައްސަލައެއް މިރޭ 8:20 ހާއިރު ރިޕޯޓުކޮށްފައިވާ ކަމަށެވެ.
މި މާރާމާރީގައި އެކެއްގެ ނޭފަތް ފެޅި އަނިޔާވެފައިވާ ކަމަށާއި އަދި އަނެއް މީހާއަށް ބޭރުފުޅުން އަނިޔާއެއް ވެފައި ނުވާ ކަމަށް ފުލުހުން ބުނެ އެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.