ރައްޔިތުންގެ މަޖިލީހުގެ ގައްދޫ ދާއިރާގެ ކުރީގެ މެމްބަރު ޒާހިރު އާދަމް ކޯވިޑް-19 ގައި އަވަހާރަވެއްޖެއެވެ.
ޒާހިރު އާދަމް އަވަހާރަވެފައިވަނީ މީގެ އިރުކޮޅެއްކުރިން ގޭގައި ފަރުވާދެމުން ދަނިކޮށެވެ. ޒާހިރު ކޯވިޑަށް ޕޮޒިޓިވް ވެފައިވަނީ މީގެ 2 ދުވަހެއްކުރިންނެވެ. ޕޮޒިޓިވް ވުމާއި ގުޅިގެން ޒާހިރަށް ފަރުވާ ދީފައިވަނީ ހޮސްޕިޓަލުގައި އެޑްމިޓްކޮށްގެނެވެ. ޒާހިރަކީ ހައިރިސްކު ބޭފުޅަކަށްވުމުން، ޑޮކްޓަރުންވަނީ ޒާހިރު އެޑްމިންޓްކޮށްގެން ފަރުވާދީފައެވެ.
ނަމަވެސް ޒާހިރު ގެއަށް ބަދަލުކޮށްފައިވަނީ މިއަދު އަމިއްލަފުޅަށް ހާލުކޮޅު ރަނގަޅުކަމަށް ބުނެ، ޑޮކްޓަރުންނާ، ވާހަކަ ދެއްކުމަށްފަހުގައިކަމަށް މަޢުލޫމާތު ލިބިފައިވެއެވެ. ގެއަށް ބަދަލުކުރީގެވެސް ހާލަތުކޮންމެވެސް ވަރަކަށް ރަނގަޅުވުމުންނެވެ.
ޒާހިރު އަވަހާރަވި ޚަބަރާއެކު މުޅި ގައްދުއަށްވަނީ ފުން ހިތާމައެއް ލިބިފައެވެ. ގައްދޫގެ ގިނަ ރައްޔިތުން އެކި ގޮތްގޮތުން އެހީތެރިކަން ފޯރުކޮށްދީފައިވާ ޒާހިރަކީ ހިތްހެޔޮ މިޒާޖެއްގެ ބޭފުޅެކެވެ. ގައްދޫ ދާއިރާގެ މިހާރުގެ މެމްބަރުކަން ކުރައްވަނީ ޒާހިރުގެ ދަރިކަލުން އަޙްމަދު ޒާހިރެވެ.