ޖުމްހޫރީ ޕާޓީގެ ލީޑަރު ގާސިމް އިބްރާހީމް މާލެ ވަޑައިގަތުމާއި ގުޅިގެން ޕީޕީއެމްގެ ޕާލިމެންޓަރީ ގުރޫޕްގެ ނާއިބް ލީޑަރު ރިޔާޒު ރަޝީދު އެމަނިކުފާނަށް މަރުހަބާ ވިދާޅުވެއްޖެއެވެ.
ޓްވިޓާ މެދުވެރިކުރައްވާ ރިޔާޒް ވިދާޅުވީ މިއީ އުފާވެރި މަންޒަރެއްކަމަށެވެ. އަދި ގާސިމް އިބްރާހިމަށް މަރުހަބާ ދަންނަވާކަމަށް ރިޔާޒް ވިދާޅުވިއެވެ.
މި ޓްވީޓްގައި ރިޔާޒް ވަނީ ގާސިމްގެ އިތުރަށް އެމަނިކުފާނުގެ އަނބިކަނބަލުން އައިޝަތު ނަހުލާއާއި، ގާސިމްގެ ބައެއް ދަރިކަލުންނާއި، ދަރިކަނބަލުން ފެންނަ ފޮޓޯއެއް ޓްވީޓްކުރައްވާފައެވެ.