މިއަހަރުގެ ޢީދު ހަރަކާތްތަކުގެ ތެރެއިން އެމްއޭސީއެލްގެ ސްޓޯލުން ފެނިގެންދާނެ އެންމެ ޚާއްސަ އެއް ކަމަކީ ރާއްޖޭގެ މަޝްހޫރު ފުޓުބޯޅަ ކުޅުންތެރިޔާ ޢަލީ އަޝްފާޤު (ދަގަނޑޭ) ބައިވެރިވުމެވެ. އޭނާގެ ފުޓުބޯޅައިގެ ހުނަރުތައް އެމްއޭސީއެލްގެ ސްޓޯލްގައި ދައްކާލުމަށް ވަނީ ހަމަޖެހިފައެވެ.
އެމްއޭސީއެލްގެ ސްޓޯލް ހުންނާނީ ހުޅުމާލެ ސެންޓްރަލް ޕާކުގެ އިރުމަތީ އެންޓްރެންސްގައެވެ. އެ ކުންފުނިން ވަނީ އަޟްޙާ ޢީދުގެ މި އުފާވެރި ހަރަކާތްތަކުގައި ބައިވެރިވުމަށް އެންމެހާ ރައްޔިތުންނަށް ދައުވަތު އަރުވާފައެވެ.