ފަރުވާ ހޯދުމުގައި ޝަރުޢީ ރުޤުޔާގެ މަގު އިޚްތިޔާރު ކުރުމަށް ގޮވާލަމުން ޚުތުބާގައި ބުނީ، ޞައްޙަ ގޮތުގައި ރުޤްޔާކުރާ މީހާ މައިންބަފައިންގެ ނަމެއް ނާހާނެ ކަމަށާއި، ގޮތްނޭނގޭ ފޮތިގަނޑުތަކާއި ތަވީދު ފަދަ ތަކެތި ބޭނުން ނުކުރާނެ ކަމަށެވެ. ޝަރުޢީ ރުޤުޔާއަކީ ހަމައެކަނި ކީރިތި ޤުރްއާނުގެ އާޔަތްތަކާއި ސުންނަތުން ސާބިތުވާ ދުޢާތައް ބޭނުންކޮށްގެން ކުރެވޭ ފަރުވާއެއްކަން ފާހަގަކޮށް، ސިހުރުވެރިންގެ ބާޠިލު ކަންކަމަށް ތަބާނުވުމަށް މިއަދުގެ ޚުތުބާގައި ވަނީ ނަސޭހަތްތެރިވެފައެވެ.