"އެންޒީ"ގެ އައު ފިހާރަ، ހުޅުމާލެ ފޭސް ދޭއްގައި ރޭ ހުޅުވައިފިއެވެ. މިއީ 13 އަހަރުތެރޭ ހުޅުވި އެންޒީގެ ހަތަރު ވަނަ ފިހާރައެވެ. މި ފިހާރައިން އެންޒީގެ އުފެއްދުންތަކާއެކު، ކާން ބޯން ބޭނުންކުރާ އެހެން ހުރިހާ ސާމާނެއް ވެސް ލިބޭނެ ކަމަށް އެންޒީ ފިހާރަ ހިންގާ،އެންސިސް ފިޝަރީޒް ކުންފުނީގެ މެނޭޖިން ޑިރެކްޓަރު މުހައްމަދު ވަސީމް އިސްމާއީލް ވިދާޅުވިއެވެ. "އެންޒީ"ގެ އައު ފިހާރައެއް، ހުޅުމާލެ ފޭސް ދޭއްގައި ރޭ ހުޅުވައިފި: މިއީ އެ ފިހާރައިން ލިބޭ އެންޒީގެ އުފެއްދުމެއް ކަމަށްވާ ރިހާކުރު ފުޅިތަކެއް -- ފޮޓޯ/ އެންޒީ އެންޒީގެ މި އައު އައުޓްލެޓް ހުޅުވުމުގެ ރަސްމިއްޔާތު ޝަރަފުވެރިކޮށްދެއްވީ ކުރިން މިނިސްޓަރުކަން ކުރައްވާފައިވާ ބޭފުޅެއް ކަމަށްވާ އަހުމަދު ޒުހޫރެވެ. މި ރަސްމިއްޔާތުގައި ވާހަކަދައްކަވަމުން ޒުހޫރު ވިދާޅުވީ އެންޒީގެ އިސްވެރިން ރައްޔިތުންނަށް ޚިދުމަތް ފޯރުކޮށްދިނުމުގައި ކުރަމުން އަންނަ މަސައްކަތަކީ އަބަދުވެސް ބަލައިގަންނާނެ ކަމެއް ކަމަށެވެ. އަދި އެންޒީގެ އައު ފިހާރައެއް ހުޅުމާލެ ފޭސް ދޭއްގައި ހުޅުވިގެން ދިޔުމަކީ ފޭސް ދޭއްގެ ރައްޔިތުންނަށް ލިބިގެންދާނެ ވަރަށް ބޮޑު ލުއިފަސޭހައެއް ކަމަށް ޒުހޫރު ވިދަޅުވިއެވެ. ރޭ ބޭއްވި މި ހަފުލާގައި އެކި ފަންތީގެ ގިނަ އަދަދެއްގެ މީހުން ބައިވެރިވެފައިވެއެވެ. "އެންޒީ"ގެ އައު ފިހާރައެއް، ހުޅުމާލެ ފޭސް ދޭއްގައި ރޭ ހުޅުވައިފި: މިއީ އެ ފިހާރައިން ލިބޭ އެންޒީގެ އުފެއްދުމެއް ކަމަށްވާ އެ ބްރޭންޑުގެ ޕާން -- ފޮޓޯ/ އެންޒީ ފޭސް ދޭއްގެ އެންޒީގެ މި ފިހާރަ ޚާއްސަކުރެވިފައި ވަނީ ފޭސް ދޭއްގައި ދިރިއުޅޭ ރައްޔިތުންނަށް އެންޒީގެ އުފެއްދުންތަކާއި ތާޒާ މަސް ފަސޭހަކަމާއެކު ފޯރުކޮށްދިނުމަށެވެ. އެންޒީގެ އައު ފިހާރަ ހުންނާނީ ވިނަރެސް-5 ގެ ތިރީ ފަންގިފިލާގައެވެ. މި ފިހާރަ ހުޅުވާފައި ހުންނާނީ ކޮންމެ ދުވަހެއްގެ ހެނދުނު 06:30 އިން ރޭގަނޑު 22:30 އަށެވެ. އަދި ހުކުރު ދުވަހު ހުޅުވާފައި ހުންނާނީ ހެނދުނު 06:30 އިން ހަވީރު 17:00 އަށެވެ.