އިމާރާތްކުރުމާއި ކޮންސްޓްރަކްޝަން ސާމާނުގެ ވިޔަފާރިކުރުމުގެ ދާއިރާއިން އިތުބާރު ހިފޭ އޭއެޗް ބްރަދާސްއިން މަޖީދީ މަގުގައި އާ ރީޓެއިލް ފިހާރައެއް ހުޅުވައިފިއެވެ. މި ފިހާރަ ހުޅުވާފައި ހުންނާނީ ހުކުރު ދުވަސް ފިޔަވައި އެހެން ހުރިހާ ދުވަހެއްގެ ހެނދުނު 08:00 އިން ރޭގަނޑު 10:00އަކަށެވެ. ޢަލީ ހަސަން މަނިކާއި ހުސައިން ހަސަން މަނިކުގެ މާލިމީކަމުގެ ދަށުން 1991 ވަނަ އަހަރު އުފެއްދި އޭއެޗް ބްރަދާސްގެ ވިޔަފާރި ފެށީ އެންމެ ފިހާރައަކުންނެވެ. އެކަމަކު، މި އާއިލީ ކުޑަ ވިޔަފާރި ވަނީ ވޭތުވެދިޔަ 34 އަހަރު ދުވަހުގެ ތެރޭގައި މުޅި ރާއްޖޭގައި އެތައް ގުދަނެއް އަދި އައުޓްލެޓްތަކެއް ހުރި ނަންހިނގާ ބްރޭންޑަކަށް ވެފައެވެ. އޭއެޗް ބްރަދާސްއިން ފޯރުކޮށްދެނީ ކޮންސްޓްރަކްޝަން ދާއިރާއަށް ބޭނުންވާ ފެންވަރު ރަނގަޅު ސާމާނުތަކެކެވެ. އޭގެ ތެރޭގައި ހާޑްވެއާއާއި އިލެކްޓްރިކަލް ތަކެއްޗާއި ޕީވީސީ ހޮޅިތަކާއި ފިޓިންސް، ޝީޓް ރޮކް ޕުޓީއާއި އިމާރާތްކުރުމަށް ބޭނުންވާ ގިނަ ތަކެއްޗާއި ޕަވާ ޓޫލްސް އަދި މެޝިނަރީ ހިމެނެއެވެ. އެ ކުންފުނިން ރީޓެއިލް ކަސްޓަމަރުންނާއި ޕްރޮފެޝަނަލް ކޮންސްޓްރަކްޝަން ކްލައިންޓުންނަށް ވެސް ޚިދުމަތް ދޭއިރު، ގިނަ ދުވަހަށް ގެންގުޅެވޭނެ ފެންވަރު ރަނގަޅު ސާމާނުތައް އެތެރެކުރުމަށް ޚާއްސަ އިސްކަމެއް ދެއެވެ. އޭއެޗް ބްރަދާސްގެ އައު ފިހާރަ ހުޅުވުމުން ދައްކުވައިދެނީ ކޮންސްޓްރަކްޝަން ދާއިރާއަށް އެހީތެރިވުމާއި، މާކެޓްގައި ޝަހްސިއްޔަތު ހަރުދަނާކުރުމާއި، ކަސްޓަމަރުންނަށް ދޭ ޚިދުމަތް އިތުރުކުރުމަށް އޭއެޗް ބްރަދާސްއިން ކުރާ މަސައްކަތެވެ. އިތުބާރުހުރި ގޮތުގައި ކޮންސްޓްރަކްޝަން ސާމާނު ސަޕްލައިކުރުމުގައި ދެމިހުރި އޭއެޗް ބްރަދާސްއިން އަންނަނީ މުޅި ރާއްޖޭގެ އިންފްރާސްޓްރަކްޗާއާއި ބޯހިޔާވަހިކަން ތަރައްގީކުރުމުގައި މުހިންމު ދައުރެއް އަދާކުރަމުންނެވެ.