ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހިމް ސުޖާއު، މަންދީރަ ބޮޑުބެރު ގްރޫޕަށް ތަރާވީހެއް ދެއްވައިފިއެވެ.
މިއީ ޓީވީއެމްއިން އިންތިޒާމުކޮށްގެން ކުރިއަށް ގެންދާ ބޮޑުބެރު ޗެލެންޖު މުބާރާތުގެ ފައިނަލަށް ހއ.ބާރަށަށް ނިސްބަތްވާ މަންދީރަ ބޮޑުބެރު ގްރޫޕް ދަތުރު ކުރުމާއި ގުޅިގެން މެންބަރު ސުޖާއު ދެއްވި ތަރާވީހެކެވެ.
މި ތަރާވީސް ކުރިއަށް ގެންދިޔައީ ރޭގެ ވަގުތެއްގައި ސިޓީ ގާޑެން ރެސްޓޯރަންޓުގައިއެވެ.
މި ތަރާވީހުގައި ސުޖާއު ވަނީ މަންދީރަ ބޮޑުބެރު ގްރޫޕްގެ ބައިވެރިންނާއި ބައްދަލުކުރައްވާ ވަރަށް ބޮޑަށް ހިތްވަރު ދެއްވާ ވާހަކަދައްކަވާފައެވެ.
ސުޖާއު ދެއްކެވި ވާހަކައިގައި ބޮޑުބެރު ޗެލެންޖު މަންދީރަ ބޮޑުބެރު ގްރޫޕަށް ކާމިޔާބު ކުރެވިއްޖެނަމަ، ޓީމަށް ދޭނެ އެހީތެރިކަމާއި އިތުރު ކުރިއެރުމަށް އެދިވަޑައިގެންނެވިއެވެ.
މި ތަރާވީހުގައި މަންދީރަ ބޮޑުބެރު ގްރޫޕްގެ ފަރާތުން ވަނީ އެ ބޮޑުބެރު ގްރޫޕަށް ސުޖާއުގެ ފަރާތުން ވެދެއްވަމުން ގެންދަވާ އެހީތެރިކަމަށް ޝުކުރު އަދާކުރައްވާފައެވެ.
މަންދީރަ ބޮޑުބެރު ގްރޫޕަކީ 2012 ވަނަ އަހަރުގެ ބޮޑުބެރު ޗެލެންޖުގެ ޗެމްޕިއަން ޓީމެވެ.