މިދިޔަ ހުކުރު ދުވަހު އައްޑޫ ސިޓީގައި ބޭއްވި 'އުރީދޫ ފަން ރަން 2025'ވީ އާންމުންގެ ތައުރީފާއި ބޮޑު ތަރުހީބެއް ލިބި، ރާއްޖޭގެ އެންމެ ދެކުނަށް އައި ކުލަ ޢީދަކަށެވެ. އުރީދޫ ފަން ރަންއަކީ ކޮންމެ އަހަރަކު އެ ކުންފުނިން ބާއްވާ ހަރަކާތްތަކުގެ ތެރެއިން އާންމުންގެ މެދުގައި އެންމެ މަގުބޫލު އެއް ހަރަކާތެވެ. އުރީދޫ ފަން ރަންގެ ތެރެއިން -- ފޮޓޯ/ އުރީދޫ އުރީދޫ ފަން ރަންއިން މިދިޔަ ހުކުރު ދުވަހު އައްޑޫ ސިޓީ ފަވައިލީ ކުލައާއި، އުފާވެރިކަމުންނެވެ. https://x.com/ooredoomaldives/status/1938886438738964522 ތިންހާހަށްވުރެ ގިނަ ބައިވެރިންނާއެކު ކުރިއަށް ގެންދިޔަ އެ ހަރަކާތުގައި ހުރިހާ އުމުރެއްގެ މީހުން އެއްވެ މަޖަލާއި އުފާފާޅުކުރުން ކުރިއަށް ގެންދިޔައެވެ. އުރީދޫ ފަން ރަންގެ ތެރެއިން -- ފޮޓޯ/ އުރީދޫ އައްޑޫގެ ހިތްގައިމު މާހައުލުގައި ބޭއްވި 'ފަން ރަން'އަކީ ހަމައެކަނި ފަސް ކިލޯމީޓަރު ދުވުމެއް ނޫނެވެ. އެއީ ތަޖުރިބާއެކެވެ. ކުޑަކުދިންނާއި ޒުވާނުން އަދި އުމުރުން ދުވަސްވީ ކާފައާއި މާމައާ ހަމައަށް އާއިލާތައް ދުވެ، އުފާވެރި ހަނދާންތަކެއް އެންމެން އެކުގައި އުފެއްދިއެވެ. https://x.com/ooredoomaldives/status/1939230980856013120 'އުރީދޫ ފަން ރަން'ގެ އެންމެ ފާހަގަކޮށްލެވޭ އެއް ކަމަކީ މީހުން އެއްތަނަކަށް ގެނެސް އެއްބައިވަންތަކަން ދެމެހެއްޓުމުގެ މާހައުލެއް ގާއިމުކުރެވުމެވެ. އެއީ ހަމައެކަނި މުބާރާތެއް ނޫނެވެ. އެއީ އުފާފާޅުކުރުމެކެވެ. ރައްޓެހިންނާއި އާއިލާތައް ގުޅިގެން ކުރިއަށް ގެންދިޔަ އެ ހަރަކާތަކީ ދުވުމާއި، ހުނުމާއެކު އުފާވެރި މާހައުލެއްގައި ހޭދަކުރެވުނު ހަނދާނުން ނުފިލާނެ ތަޖުރިބާއެކެވެ. އުރީދޫގެ މި ހަރަކާތް ފުރިހަމަކަމާއި ހިތްގައިމު މާހައުލެއްގައި ކުރިއަށްގެންދިޔައީ ފުލުހުންނާއި ސިފައިންގެ ވެސް އެހީތެރިކަމާއެކުއެވެ.