ޙަސަން އަޙްމަދުގެ ދަތުރުފުޅުގައި އިއްޔެވަނީ ރ. ކިނޮޅަހަށް ޒިޔާރަތް ކުރައްވާފައެވެ. ކިނޮޅަހަށް ކުރެއްވި ދަތުރުފުޅުގައި، އެރަށުގެ މުއައްސަސާތަކާއި ބައްދަލު ކުރައްވާ، އެތަންތަނުގެ ކުރިއެރުމާއި ގުޅޭގޮތުން މަޝްވަރާ ކުރައްވާފައިވެއެވެ. މީގެ އިތުރުން އެރަށުގެ އާންމު ރައްޔިތުންނާއި ވެސް ބައްދަލު ކުރައްވާފައިވެއެވެ. 
ޙަސަން އަޙްމަދު މިއަދުވަނީ ފައިނަށް ވެސް ޒިޔާރަތް ކުރައްވާފައެވެ. އެގޮތުން ފައިނުގެ އެކި ގޭބިސީތަކަށް ޒިޔާރަތް ކުރައްވާ އާންމު ރައްޔިތުންނާއި ބައްދަލު ކުރައްވާފައިވެއެވެ. މަޢުލޫމާތު ލިބިފައިވާ ގޮތުގައި، މި ދަތުރުފުޅުގައި މާދަމާ އިނގުރައިދޫއަށް ވަޑައިގެންނެވުމަށް ވަނީ ހަމަޖެހިފައެވެ.