ކުރީގެ ރައީސް އަދި ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އިންތިގާލީ ރައީސް މައުމޫން އަބްދުލްގައްޔޫމު، މިރޭ ރާއްޖެ އިން ބޭރަށް ފުރާވަޑައިގެންފި ކަމަށް ޕީޕީއެމުން ބުނެފި އެވެ.
އިދިކޮޅު ޕީޕީއެމުން މި ރޭ ނެރުނު ނޫސް ބަޔާނެއްގައި ބުނެފައި ވަނީ އެ މަނިކުފާނު ފުރާވަޑައިގަތީ އެ މަނިކުފާންގެ އަނބިކަނބަލުން ނަސްރީނާ އިބްރާހީމްގެ ބޭސް ފަރުވާ އަކަށް ކަމަށެވެ.
ނަމަވެސް އެ ބަޔާނުގައި މައުމޫން ފުރާވަޑައިގަތީ ކޮން ގައުމަކަށް ކަމެއް ނުބުނެ އެވެ. އެ ބަޔާނުގައި ބުނެފައި ވަނީ ވަރަށް އަވަހަށް އެ މަނިކުފާން މާލެ ވަޑައިގަންނަވާނެ ކަމަށެވެ.