ނޭޝަނަލް އިންޓެގްރިޓީ ކޮމިޝަން (އެންއައިސީ)ގެ މެންބަރުކަމަށް ކުރިމަތިލުމަށް ބޭނުންފުޅުވާ ފަރާތްތަކަށް އެ ފުރުސަތު ސަރުކާރުން މިއަދު ހުޅުވާލައްވައިފިއެވެ.
ރައީސް އޮފީހުން އެ ފުރުސަތު ހުޅުވާލާފައިވަނީ މިއަދުން ފެށިގެން 28 ފެބްރުއަރީ 2019 ވާ ބުރާސްފަތި ދުވަހުގެ 12:00 ގެ ނިޔަލަށެވެ.
ނޭޝަނަލް އިންޓެގްރިޓީ ކޮމިޝަނުގެ މެންބަރުކަމަށް ކުރިމަތިލުމަށް އެދޭ ފޯމު ރައީސް އޮފީހުގެ ރިސެޕްޝަނުންނާއި، ރައީސް އޮފީހުގެ ވެބްސައިޓް https://presidency.gov.mv އިން ޑައުންލޯޑް ކުރެއްވޭނެއެވެ.
އެންއައިސީ އަކީ ޕޮލިސް އިންޓެގްރިޓީ ކޮމިޝަނާއި ކަސްޓަމްސް އިންޓެގްރިޓީ ކޮމިޝަން އުވާލުމަށްފަހު އުފެއްދި މުއައްސަސާއެކެވެ. އެ މުއައްސަސާގެ މެންޑޭޓްގެ ތެރެއަށް މޯލްޑިވްސް ކަރެކްޝަނަލް ސާރވިސް ހިމަނާފައި ވެއެވެ.
އެންއައިސީން ބަލަމުންދާނީ އެތިން މުއައްސަސާގެ ތެރޭގައި ހިނގަމުންދާ ނަޒާހަތްތެރި ކަމާ ގުޅުންހުރި މައްސަލަތަކެވެ.