މިދިޔަ އަހަރު ބަލައި ފާސްކުރި ތަންތަނުގައި މިހާރު އުޅެމުންދާ ބިދޭސީން އުޅެނީ ސައްހަ ވިސާއާ އެކު ގަވައިދާ އެއްގޮތޯ ކަށަވަރުކުރަން އިމިގްރޭޝަނުން ހާއްސަ އޮޕަރޭޝަނެއް ފަށައިފި އެވެ
ވީ ކިހިނެއް؟ - މި އޮޕަރޭޝަން ފަށާފައިވާކަން އިމިގްރޭޝަނުން ރޭ އެކްސްގައި ކުރި ޕޯސްޓެއްގައި ވަނީ ބުނެފަ އެވެ.
ބުނީ ކީކޭ؟ - "އެގޮތުން އިއްޔެ [މިދިޔަ ބުދަ ދުވަހު] ބަލައި ފާސްކުރެވުނު ދެ ތަނުގައި ވެސް މިހާރު ގަވާއިދާ ހިލާފަށް އުޅެމުންދާ ބިދޭސީއެއް ނެތްކަން ވަނީ ފާހަގަކުރެވިފައި،" އިމިގްރޭޝަނުން ބުނެފައިވެ އެވެ.
ފާހަގަކޮށްލެވޭ ކަމެއް - ވިސާ ނެތި ނުވަތަ ގަވައިދާ ހިލާފަށް ރާއްޖޭގައި މަސައްކަތް ކުރާ މީހުން ހޯދުމަށާއި އެފަދަ މީހުން ގަވައިދަށް ފެއްތުމަށް އިމިގްރޭޝަނުން މިދިޔަ އަހަރު ހާއްސަ މަސައްކަތްތަކެއް ކުރި އެވެ. ބައެއް ތަންތަނުން ގަވައިދާ ހިލާފަށް އުޅޭ މީހުން އަތުލައިގަނެ، ޑީޕޯޓުކޮށްލާފައިވެ އެވެ. އަދި ބައެއް ބިދޭސީންނަށް އިސްލާހުވުމަށް ފުރުސަތު ވެސް ދިނެވެ.