މިއަދު ވެސް މޫސުން ގޯސްވާނެކަމަށް މޯލްޑިވްސް މީޓިއޮރޮލޮޖިކަލް ސާވިސްއިން މިއަދު ނެރުނު މޫސުމާ ބެހޭ ރިޕޯޓުގައި ލަފާކޮށްފި އެވެ.
މިއަދު ރާއްޖޭގެ ގިނަ ސަރަޙައްދުތަކަށް ވިއްސާރަވެ ބައެއް ރަށްތަކަށް ގުގުރުމާއެކު ބޯކޮށް ވާރޭވެހުން އެކަށީގެންވެއެވެ.
އިރުއުތުރާއި އިރުން ގަޑިއަކު 15 މޭލާއި 25 މޭލާ ދެމެދުގެ ބާރުމިނުގައި ވައިޖެހޭނެ ކަމަށް ލަފާކޮށްފައިވާއިރު ވިލާގަނޑުގައި ގަޑިއަކު ގާތްގަނޑަކަށް 45 މޭލަށް ވައި ގަދަވުން އެކަށީގެންވެއެވެ.
ކަނޑު ގަދަވާނެކަމަށާއި ރާޅުގެ އުސްމިން 5 ފޫޓާއި 8 ފޫޓާ ދެމެދުގައި ހުރުން އެކަށީގެންވާ ކަމަށްވެސް ވަނީ ބުނެފައެވެ.
މީގެއިތުރުން، ދިޔަވަރު ބޮޑުވާ ގަޑިތަކުގައި ބައެއް ރަށްތަކަށް އުދައިގެ އަސަރު ކުރުން އެކަށީގެންވާ ކަމަށް މޫސުމާބެހޭ އިދާރާއިން ވަނީ އިންޒާރު ދީފައެވެ.
ބޯކޮށް ވާރޭވެހުމުގެ ސަބަބުން އިއްޔެ މާލެ އާއި ދ. ކުޑަހުވަދޫ، ދ.މީދޫ، ފ.ނިލަންދޫ އަދި ފ. މަގޫދޫގައި ވަނީ ފެންބޮޑުވެފަ އެވެ. އަދި ށ.ނަރުދޫ އާއި ރ. އިނގުރައިދޫ އަށް އުދަ އަރައި ގެއްލުންތަކެއް ލިބިފައިވެ އެވެ.
މޫސުން ގޯސްވުމާ ގުޅިގެން އިއްޔެ ދެ ފަހަރެއްގެ މަތިން އޮރެންޖް އެލާޓް ވެސް ނެރެފައިވެ އެވެ. ފަހުން މެޓް އޮފީހުން ވަނީ އޮރެންޖް އެލާޓް، ޔެލޯ އެލާޓަށް ބަދަލުކޮށްފަ އެވެ.
މޫސުން ގޯސްވެފައިވާތީ މެޓް އޮފީހުން ވަނީ ހުރިހާ ފަރާތްތަކަކުން ވެސް މޫސުމަށް ސަމާލުވުމަށް އިލްތިމާސްކޮށްފަ އެވެ.
އެހެންކަމުން، ހުރިހާ ފަރާތްތަކުންވެސް މޫސުމަށް ސަމާލުވުމަށް މީޓިއޮރޮލޮޖިކަލް ސާވިސްއިން ވަނީ އިލްތިމާސްކޮށްފައެވެ.
Thiladhun © 2019 – 2023| Made with ❤️ in #Thiladhunmathi
Thiladhun © 2019 – 2022
Made with ❤️ in #Thiladhunmathi