މާދަމާ ހެނދުނުގެ ވަގުތެއްގައި މާލެ އަދި ހުޅުމާލޭގެ އެކި ސަރަހައްދުތަކުން ކަރަންޓު ކެނޑިދާނެ ކަމަށް ސްޓެލްކޯއިން މިއަދު ބުނެފިއެވެ. ސްޓެލްކޯއިން މިއަދު އެކްސްގައި ކުރި ޕޯސްޓެއްގައި ބުނީ ހުޅުމާލޭ އިންޖީނުގޭގެ ކޮންޓްރޯލް ސިސްޓަމުގައި ކޮންމެހެން ކުރަން ޖެހޭ މަސައްކަތެއް މާދަމާ ހެނދުނު ކުރުމަށް ހަމަޖެހިފައިވާ ކަމަށެވެ. އެ މަސައްކަތް ކުރަން ހަމަޖެހިފައިވަނީ މާދަމާ ހެނދުނު 6:30 އާއި 9:30 އާ ދެމެދުއެވެ. https://twitter.com/STELCOMALDIVES/status/1735245268495516055 އެހެންވެ، އެ މަސައްކަތް ކުރިއަށްދާއިރު، މާލެއާއި ހުޅުމާލޭގެ އެކި ސަރަހައްދުތަކުން ކަރަންޓު ދިއުމަކީ އެކަށީގެންވާ ކަމެއް ކަމަށް ސްޓެލްކޯއިން ވަނީ ބުނެފައެވެ. މިއަދު ވެސް މާލޭގެ ބައެއް ސަރަހައްދުތަކުގައި ކަރަންޓު ވިއުގައި އަޕްޑޭޓު ކުރުމުގެ މަސައްކަތް ކޮށްފައިވެއެވެ. ކަރަންޓުގެ ނިޒާމު އިތުރަށް ރަނގަޅުކުރުމަށް ކުރަންޖެހޭ ބައެއް މަސައްކަތްތައް ކުރަން ކަރަންޓުގެ ޚިދުމަތް މެދުކަނޑައިލަން ބައެއް ފަހަރު ޖެހެއެވެ.