ދުނިޔޭގެ މަގްބޫލު އޮންލައިން ޓްރެވަލް ގައިޑެންސް ޕްލެޓްފޯމް، ޓްރިޕްއެޑްވައިޒާގެ ޓްރެވެލާސް ޗޮއިސް އެވޯޑްސްގެ މުހިއްމު ވަނަތަކެއް ރާއްޖެއަށް އެވެ.
ވީ ކިހިނެއް؟ - ޓްރިޕްއެޑްވައިޒާ އިން އިއްޔެ އާންމުކޮށްފައިވާ 'ޓްރެވެލާސް ޗޮއިސް ބެސްޓް އޮފް ދަ ބެސްޓް 2026'ގެ އެކި ކެޓަގަރީތަކުގެ ރޭންކިންތަކުގައި ރާއްޖެ ވަނީ ހިމަނާފަ އެވެ.
ތަފްސީލް - އެ ރޭންކިންގެ ޓޮޕް ޑެސްޓިނޭޝަންސް އަދި ހަނީމޫން ޑެސްޓިނޭޝަންގެ ރޭންކިންގައި ރާއްޖެ ވަނީ ހިމަނާފަ އެވެ. އެގޮތުން:
'ޓޮޕް ޑެސްޓިނޭޝަން' ރޭންކިންގެ 21 ވަނަ
'ބެސްޓް ހަނީމޫން ޑެސްޓިނޭޝަންސް' ރޭންކިންގެ 3 ވަނަ
މީގެ އިތުރުން، އޭޝިއާ ސަރަހައްދުގެ ޓޮޕް ޑެސްޓިނޭޝަންސް ރޭންކިންގެ 8 ވަނައިގައި ރާއްޖެ ވަނީ ހިމަނާފަ އެވެ.
ފާހަގަ ކުރެވޭ - ޓްރިޕްއެޑްވައިޒާގެ ބެސްޓް އޮފް ދަ ބެސްޓް ރޭންކިންތައް އެކުލަވާލަނީ އެ ޕްލެޓްފޯމު ބޭނުންކުރާ ދަތުރުވެރިންނާއި ފަތުރުވެރިންގެ ރިވިއު އަދި ރޭންކިންގެ މައްޗަށް ބިނާކޮށެވެ. 
މި ރޭންކިންތަކާ އެކު އެ މަންޒިލްތަކަށް އޮންނަ ޑިމާންޑު އަންގައިދޭ ކަމަށް ޓްރިޕްއެޑްވައިޒާ އިން ބުނެ އެވެ.