މާލޭގެ ގެއެއްގެ ތެރެއިން 11 ފުޅި ސެންޓު ވަގަށް ނެގި މީހަކު އެއް އަހަރަށށް ޖަލަށް ލުމަށް ކުރިމިނަލް ކޯޓުން ހުކުމް ކޮށްފިއެވެ.
މި މައްސަލައިގައި އެހެން މީހެއްގެ މުދަލުގެ މައްޗަށް ބާރުފޯރުވުމުގެ ކުށުގެ ދައުވާ ސާބިތުވެފައިވަނީ ސ. ފޭދޫ، ސިލްސިލާގެ، އަހުމަދު ނިޒާމުގެ މައްޗަށެވެ.ކުރިމިނަލް ކޯޓުން ކޮށްފައިވާ ހުކުމުގައި ބުނެފައިވަނީ 2017 ވަނަ އަހަރުގެ އެކި ދުވަސްތަކުގެ މަތިން، ހ. އެމްބްރީޒް ގޭގައި ހުރި ކަބަޑެއްގެ ތެރޭގައި، ގދ. ވާދޫ، ކެތި، ތާއިފް އަހުމަދި ބަހައްޓާފައި ހުރި 11 ފުޅި ސެންޓު ވަގަށް ނަގާފައިވާ ކަމަށެވެ. މި ސެންޓުފުޅިތައް އޭނާ ވަގަށް ނަގާފައިވަނީ  ތާއިފް އުޅެ ކޮޓަރީގައި މީނާ ކުއްޔަށް ހުރި ދުވަސްތަކުގައި ކަމަށްވެސް ހުކުމުގައިވެއެވެ.ނަމަވެސް މި ދައުވާއަށް ނިޒާމް ވަނީ އިންކާރުކޮށްފައެވެ. އެހެން ނަމަވެސް އޭނާ އާޢި ދެކޮޅަށް ގިނަ ހެއްކެއް ވަނީ ހުށަހަޅާފައެވެ. އެހެން ކަމުން އޭނާގެ މައްްޗަށް މި ކުށް ސާބިތުވާ ކަމަށް ކަނޑައަޅާއި އެއް އަހަރަށް ޖަލަށް ލުމަށް ކުރިމިނަލް ކޯޓުން ވަނީ ހުކުމްކޮށްފައެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ