ޓްރީ ޓޮޕް ހޮސްޕިޓަލުން މަޔޯ ކްލިނިކްގެ ބައިނަލްއަގްވާމީ ތަޖުރިބާކާރުން ބައިވެރިވި ހާއްސަ މެޑިކަލް ވޯކްޝޮޕްތަކެއް، ވިލާ ކޮލެޖާ ގުޅިގެން އިންތިޒާމްކުރި ބައިނަލްއަގްވާމީ މެޑިކަލް ތައުލީމު އަދި ދިރާސާ ކޮންފަރެންސް (އައިއެމްއީއާރުސީ)އާ ގުޅިގެން ބާއްވައިފި އެވެ.
ވީ ކިހިނެއް؟ - މި ވޯކްޝޮޕްތައް ބޭއްވީ މި މަހުގެ 3 އަދި 4ގަ އެވެ.
ތަފްސީލް - މި ސިލްސިޔާ ފެށީ މަޔޯ ކްލިނިކްގެ ފެމިލީ މެޑިސިން އިންސްޓްރަކްޓަރު ޑރ. އެރިކް ލެވޭލް ލީޑު ކުރެއްވި ޕޮއިންޓް-އޮފް-ކެއާ އަލްޓްރާސައުންޑް (ޕީއޯސީޔޫއެސް) ވޯކްޝޮޕަކުންނެވެ. އެގޮތުން:
ޓްރީ ޓޮޕް ހޮސްޕިޓަލްގެ ކޮންސަލްޓަންޓް ރޭޑިއޮލޮޖިސްޓް އަދި ރޭޑިއޮލޮޖީގެ ހެޑް ޑރ. ކަންޗަން ދުންގަލް އަދިކާރީ ވާހަކަދެއްކެވި 
ޑރ. ލެވޭލް ވަނީ ބެޑްސައިޑް އަލްޓްރާސައުންޑްގެ އަސާސީ އުސޫލުތަކާއި ކްލިނިކަލް ބޭނުންތަކުގެ މައްޗަށް އަލިއަޅުވާލައްވާފައި
ދެވަނަ ދުވަހު ބޭއްވީ މަޝްހޫރު ރޭޑިއޮލޮޖިސްޓް އަދި ވެސްކިއުލަ މެޑިސިން ސްޕެޝަލިސްޓެއް ކަމަށްވާ ޑރ. ހަރަލްޑޫ ބްޔާނާސަން ހިންގެވި އިންޓަވެންޝަނަލް ރޭޑިއޮލޮޖީ ވޯކްޝޮޕެކެވެ.
ޓްރީ ޓޮޕް ހޮސްޕިޓަލްގެ ރޭޑިއޮލޮޖީ ޑިޕާޓްމަންޓާއި އައިއެމްއީއާރުސީގެ އޯގަނައިޒަރު އަދި މަޔޯ ކްލިނިކްގެ ވެސްކިއުލަ މެޑިސިން ކޮންސަލްޓަންޓް ޑރ. ރައްޔާ އަހްމަދު ސިއްދީގުގެ ހިޔާލުތައް ހިމެނުނު މި ސެޝަންގައި މުހިންމު އުސޫލުތަކެއްގެ އަމަލީ ތަމްރީނު ދީފައިވެ އެވެ. މީގެ ތެރޭގައި:
ޕޯސްޓް-ސީއޭބީޖީ ފެމޯރަލް އާޓަރީ ޕްސޫޑޯއެނިއުރިޒަމް މެނޭޖްކުރުން 
ޕެރިފެރަލް ވެސްކިއުލަ ޑޮޕްލަ އެސެސްމަންޓް 
އަލްޓްރާސައުންޑް-ގައިޑެޑް ވެސްކިއުލަ އެކްސެސް 
ޑައިލިސިސްއަށް ވެސްކިއުލަ މެޕިން
ޓްރީ ޓޮޕް ހޮސްޕިޓަލުން ބުނީ ބަލިމީހުންނަށް އެންމެ މަތީ ފެންވަރުގެ ފަރުވާ ފޯރުކޮށްދިނުމަށްޓަކައި އެ ހޮސްޕިޓަލުން ދުނިޔޭގެ ފެންވަރުގެ ތަމްރީނުތަކަށް އިންވެސްޓް ކުރާ ކަމަށެވެ.
މަޔޯ ކްލިނިކާ ގުޅިގެން ބޭއްވި މި ވޯކްޝޮޕްތަކަކީ މި މަސައްކަތުގެ މުހިންމު ބައެއް ކަމަށާއި، މިއީ ކްލިނިކަލް ހުނަރުތައް ކުރިއެރުވުމަށްޓަކައި އަދި ރާއްޖޭގެ ސިއްހީ ހިދުމަތްތައް ތަރައްގީކުރުމަށް ހޮސްޕިޓަލުން ވެފައިވާ ވައުދެއްގެ ހެއްކެއް ކަމަށް ވެސް އެ ހޮސްޕިޓަލުން ފާހަގަކުރި އެވެ.
ރާއްޖޭގެ ފުރަތަމަ ޕްރައިވެޓް މަތީ ތައުލީމުދޭ މުއައްސަސާ 
ވިލާ ގްރޫޕްގެ ޗެއާމަން ގާސިމް އިބްރާހިމް، ސަރުކާރާ ގުޅިގެން ޕްރައިވެޓް-ޕަބްލިކް ޕާޓްނަޝިޕް އެއްބަސްވުމެއްގެ ދަށުން، މި ކޮލެޖު 2007ގައި އުފެއްދެވީ އެންމެ 54 ދަރިވަރުންނާއި ހަތަރު ކްލާސްރޫމުން 
އޭގެ ފަހުން މި ކޮލެޖު ވަނީ އެތައް ގޮތަކުން ފުޅާވެ، ޕާޓްނަޝިޕްތަކުގެ ޒަރީއާ އިން ފްރެންޗައިޒް ޕްރޮގްރާމްތައް ހިންގާ ރާއްޖޭގެ ފުރަތަމަ މުއައްސަސާއަށް ވެފައި
އެ ހޮސްޕިޓަލުގެ މައިގަނޑު އަމާޒަކީ އާ އުސޫލުތަކާއި ހިދުމަތްތައް ތައާރަފުކޮށް، ދިވެހިން ބޭރު ގައުމުތަކަށް ސިއްހީ ފަރުވާ ހޯދަން ދާންޖެހޭ ސަބަބު މަދުކުރުން 
ސިއްހީ ހިދުމަތުގެ ޚަރަދުތައް ކުޑަކުރުން 
އެންމެ ޒަމާނީ ޓެކްނޮލޮޖީ އާއި ފުރިހަމަ ލެބޯޓަރީ ހިދުމަތްތަކާ އެކު، ޓްރީ ޓޮޕް ހޮސްޕިޓަލުގެ ތަޖުރިބާކާރު ޑޮކްޓަރުންގެ އަމާޒަކީ ދިވެހިންގެ ގިނަ ސިއްހީ ހިދުމަތްތަކެއް ފޯރުކޮށްދިނުން