ދަނޑުވެރިކަމުގެ ދާއިރާއިން ޖަޕާނުގައި މަތީ ތަޢުލީމު ޙާސިލުކުރުމުގެ ފުރުސަތު ހުޅުވާލައިފި އެވެ.އެ މިނިސްޓްރީން ބުނީ ޖަޕާން އިންޓަރނޭޝަނަލް ކޯޕްރޭޝަން އޭޖެންސީ (ޖައިކާ) ގެ އެގްރިކަލްޗަރ ސްޓަޑީޒް ނެޓްވޯކް ފޮ ފުޑް އެންޑް ސެކުރިޓީ 2025 ގެ ދަށުން ދަނޑުވެރިކަމުގެ ދާއިރާއިން މާސްޓާސް ޑިގްރީ އާއި ޕީއެޗްޑީ ހާޞިލުކުރުމަށް ޝައުގުވެރިވާ ފަރާތްތަކަށް އެ ފުރުސަތު މިހާރު ހުޅުވާލާފައިވާ ކަމަށެވެ. މި ސްކޮލަޝިޕްގެ މާސްޓަރސް ކޯހުގައި ބައިވެރިވުމުގެ ޝަރުތުތަކުގެ ތެރޭގައި، ކޯހާއި ގުޅޭ ދާއިރާއަކުން ބެޗްލަރސް ޑިގްރީ ހާޞިލުކޮށްފައިވުމާއި، 1 އޭޕްރީލް 2025 ގެ ނިޔަލަށް އުމުރުން 35 ފުރިފައި ނުވުން ހިމެނެ އެވެ. އަދި ޕީއެޗްޑީ ކޯހުގައި ބައިވެރިވުމުގެ ޝަރުތުތަކުގެ ތެރޭގައި، ކޯހާއި ގުޅޭ ދާއިރާއަކުން މާސްޓަރސް ޑިގްރީ ހާޞިލުކޮށްފައިވުމާއި، އޭޕްރީލް 2025 ގެ ނިޔަލަށް އުމުރުން 40 ފުރިފައި ނުވުން ހިމެނެ އެވެ.މި ސްކޮލަރޝިޕް ފުރުސަތާގުޅޭ އިތުރު މަޢުލުމާތު ގެޒެޓު އަދި މަތީ ތަޢުލީމާ ބެހޭ ވުޒާރާއިން ލިބޭނެ އެވެ. އެގޮތުން 1474އަށް ގުޅުއްވައިގެން ނުވަތަ schol@mohe.gov.mv އަށް އީ-މެއިލް މެދުވެރިކޮށް މައުލޫމާތު ހޯދޭނެ އެވެ.ސްކޮލަޝިޕަށް ހުޅަހެޅުމުގެ ސުންގަޑި އަކީ އަންނަ ބުރާސްފަތި ދުވަހުގެ މެންދުރު ފަހު 1:30 އެވެ.