ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ޤާނޫނުއަސާސީގައި ބަޔާންކޮށްފައިވާ ފަދައިން އެމަނިކުފާނުގެ މާލީ ބަޔާން އާންމުކުރައްވައިފިއެވެ.
އާންމުކޮށްފައިވާ މާލީ ބަޔާނުގައިވާ ގޮތުން، ފާއިތުވި ހަ މަސްދުވަހުގެ ތެރޭގައި މުސާރައިގެ ގޮތުގައި ރައީސަށް 285,024 ރުފިޔާ ލިބިވަޑައިގެންފައިވެއެވެ. މީގެ އިތުރުން، ހުޅުމާލޭގައި ހުންނަ ރޯހައުސް ކުލީގެ ގޮތުގައި 240,000 ރުފިޔާ ލިބިފައިވާއިރު، އާއިލާގެ ފަރާތުން ހަދިޔާގެ ގޮތުގައި 180,000 ރުފިޔާ ލިބިވަޑައިގެންފައިވާ ކަމަށް ބަޔާނުގައިވެއެވެ.