މިހާރު ރާއްޖެއަށް ކުރަމުންދާ ވިއްސާރައާއި ގުޅިގެން ދެކުނުގެ އަތޮޅުތަކަށް ޔެލޯ އެލާޓް ނެރެފި އެވެ.
މޫސުމާއި ބެހޭ ގައުމީ އިދާރާ މެޓް އޮފީހުން ބުނީ މޫސުން ލަފާކުރާ ގޮތަށް ބަލާއިރު ދެކުނުގެ އަތޮޅުތަކަށް ގަދަވަޔާއި ގުގުރުމާއި އެކު ވިއްސާރަކުރުން އެކަށީގެންވާ ކަމަށެވެ. އެގޮތުން ގއ. އަތޮޅާއި އައްޑޫ ސިޓީ އާއި ދެމެދުގެ އަތޮޅުތަކަށް މިއަދު ހެނދުނު 09:40 އިން މެންދުރުފަހު 2:00އާއި ދެމެދު ގަދަވަޔާއި ގުގުރުމާއި އެކު ވާރޭވެހި، ކޮޅިގަނޑުގައި ގަޑިއަކު 45 މޭލަށް ވައިޖެހޭނެ ކަމަށް ލަފާކުރެވޭ ކަމަށް މެޓް އޮފީހުން ބުނެ އެވެ. އަދި އެހެން ހިސާބުތަކަށް ހުޅަނގާއި ހުޅަނގު އުތުރުން ގަނޑިއަކު 15 މޭލާ 25 މޭލާ ދެމެދުގެ ބާރުމިނުގައި ވައިޖެހޭނެ ކަމަށް ލަފާކުރެވޭއިރު ވިލާ ގަނޑުގައި ގަނޑިއަކު 40 މޭލާއި 45 މޭލަށް ވައިގަދަވާނެ ކަމަށް ލަފާކުރެވޭ ކަމަށްވެސް މައުލޫމާތުދީފައިވެ އެވެ.
މެޓް އޮފީހުން ބުނީ ވާރޭ ވެހި ފެންބޮޑުވެދާނެ ކަމަށް ތައްޔާރުވެ ގެއަށް ފެން ނުވަންނާނެހެން ރައްކާތެރި ފިޔަވަޅު އަޅައި، ގަދަވައިގެ ސަބަބުން އިމާރާތްތަކުގެ ފުރާޅު އެއްލާލަފާނެ ކަމަށް ލަފާ ކުރެވޭނަމަ، ކުރިޔާލާ ސަލާމަތީ ފިޔަވަޅުތައް އެޅުން ބުއްދިވެރި ކަމަށެވެ.
މީގެ އިތުރަށް މި ވިއްސާރައިގައި ކަނޑު ދަތުރުކުރާ ފަރާތްތަކުން މޫސުމަށް ބަލައިގެން ދަތުރު ކުރުމަށްވެސް މޫސުމާ ބެހޭ ގައުމީ އިދާރާއިން ވަނީ އިލްތިމާސް ކޮށްފަ އެވެ.