ގައުމީ އަންހެން ވޮލީބޯޅަ މުބާރާތުގައި މިއަދު ކުޅުނު މެޗު، ގުޑީސް ސްޕޯޓްސް ކްލަބްއިން ކާމިޔާބުކޮށްފިއެވެ.
މި މެޗު ގުޑީސްއިން ކާމިޔާބުކުރީ، މަތިމަރަދޫ ޒުވާނުންގެ ޖަމިއްޔާއާ ވާދަކޮށް ސީދާ ތިން ސެޓުންވެ. މި މެޗުގެ ސެޓުތަށް ގުޑީސްއިން ގެންދިޔައީ، 25-12، 25-18 އަދި 17-25 އިންނެވެ. މި މެޗުގެ މޮޅު ކުޅުންތެރިއަކަށް ހޮވިފައިވަނީ، ގުޑީސްގެ ފާތިމަތު ޝަނީޒާއެވެ.
މިއީ މުބާރާތުގައި ގުޑީސް ހޯދި ފުރަތަމަ މޮޅެވެ. އެޓީމު ވަނީ ފުރަތަމަ މެޗުގައި، އިހަވަންދޫ ކްލަބް ޕޯލް ސްޓާއާ ބައްދަލުކޮށެވެ. މި މުބާރާތުގައި މަތިމަރަދޫ ޒުވާނުންގެ ޖަމިއްޔާ ބަލިވި ދެވަނަ މެޗެވެ. އެޓީމު ފުރަތަމަ މެޗުން ބަލިވީ، ޕޮލިސް ކްލަބާ ވާދަކޮށް ސީދާ ތިން ސެޓުންނެވެ.
މި މުބާރާތުގައި މިރޭވެސް މެޗެއް ކުޅުމަށް ވަނީ ހަމަޖެހިފައެވެ. އެ މެޗުގައި ބައްދަލުކުރާނީ، އިހަވަންދޫ ކްލަބް ޕޯލް ސްޓާ އާއި ފޮނަދޫ ޒުވާނުންގެ ރޫހެވެ.
ޖުމްލަ ހަތް ޓީމާއެކު ކުރިޔަށްދާ މި މުބާރާތުގައި ވާދަކުރަނީ ނައިފަރު ޖުވެނައިލް އާއި، ކުލަބު ޕޯލްސްޓާ އާއި، ފޮނަދޫ ޒުވާނުންގެ ރޫހާއި، ޕޮލިސް ކުލަބާއި، މަތިމަރަދޫ ޒުވާންގެ ޖަމިއްޔާ އާއި، ދިއްދޫ ޓީނޭޖް ބޯއީސް ސްޕޯޓްސް ކްލަބު އަދި ގުޑީސް ސްޕޯޓްސް ކުލަބެވެ.