އަންނަ ރޯދަމަހު "ހަވީރު"ން ބާއްވާ ކުރު ވާހަކަ ލިޔުމުގެ މުބާރާތް "ފިނި ހަވީރު" އަށް އާންމުން ފޮނުވި ވާހަކަތަކުގެ ތެރެއިން އެންމެ މޮޅު 30 ވާހަކަ ފަނޑިޔާރުން ކަނޑައަޅައިފި އެވެ.
މުބާރާތުގެ ފަނޑިޔާރުކަން ކުރައްވާ "ހަވީރު"ގެ އެޑިޓަރު މޫސާ ލަތީފް، ވާހަކަ ލިޔުންތެރިޔާ ބިންމާ އިބްރާހިމް ވަހީދު އަދި "ހަވީރު"ގެ ލިޔުންތެރިޔާ އަހްމަދު ނަދީމް މި 30 ވާހަކަ ހޮވާފައި ވަނީ މުބާރާތަށް އެކި ފަރާތްތަކުން ފޮނުވި 70 އަށް ވުރެ ގިނަ ވާހަކައިގެ ތެރެއިންނެވެ. ކޮންމެ ފަނޑިޔާރަކު ވަނީ 10 ވާހަކައެއް ކަނޑަޅުއްވައިފަ އެވެ.
"ވާހަކަ ފޮނުވި މީހުންގެ ތެރޭގައި އެބަހުރި ގާބިލްކަން. ވަރަށް ފެންވަރު ރަނގަޅު ވާހަކަ ވެސް އެބަހުރި. ރީތި ވާހަކަތަކެއް ނިކުންނާނެ،" ފަނޑިޔާރުކަން ކޮށްދެއްވި ބިންމާ ވިދާޅުވި އެވެ.
މެެއިން ސްޕޮންސަރަކަށް "އެންޒީ" ހަމަޖައްސާފައިވާ މި މުބާރާތުން އެއް ވަނަ އަށް ދާ ފަރާތަކަށް 10،000ރ. އަދި ހަވީރުގައި ވާހަކަ ލިޔުމުގެ ފުރުސަތު ދޭނެ އެވެ. ހޮވުނު ވާހަކަތަކުގެ ތެރެއިން ރޯދަ މަހުގެ ކޮންމެ ދުވަހަކު ވާހަކައެއް ހަވީރުގައި ޝާއިއުކުރާނެ އެވެ. މި ވާހަކަތަކުގެ ތެރެއިން އެންމެ މޮޅު ވާހަކައެއް ހޮވާނީ ވާހަކަތައް ހަވީރު އޮންލައިންގައި ޝާއިއު ކުރުމަށް ފަހު ކިޔުންތެރިންގެ ތެރެއިން އެންމެ މަގުބޫލު ވާހަކަތަކުގެ ތެރެއިންނެވެ. އެގޮތުން ކޮންމެ ވާހަކައަކަށް ވެސް ހުށަހަޅައިދިނުމާއި ކޮންސެޕްޓާއި ޝައުގުވެރިކަން ހިފެހެއްޓުމަށް 70 ޕަސެންޓާ ހަމަ އަށް މާކްސް ދިނުމަށް ފަހު އަނެއް 30 ޕަސެންޓް މާކްސް ކަނޑައަޅާނީ އޮންލައިންގައި އެ ވާހަކައެއް ޝާއިއުކުރާތާ 24 ގަޑިއިރު ތެރޭ އެ ވާހަކައެއް ކިޔާ މިންވަރާއި ސޯޝަލް މީޑިއާގައި ޝެއާކުރާ މިންވަރެއްގެ މައްޗަށް ބަލައިގެންނެވެ.
މުބާރާތަށް ހޮވުނު 30 ވާހަކަ އާއި އެ ވާހަކަތައް ލިޔުނު ފަރާތްތަކުގެ ނަންތައް ތިރީގައި އެ ވަނީ އެވެ. ރޯދަ މަހު ވާހަކަތައް ޝާއިއުކުރަމުން ގެންދާނީ ތިރީގައި އެވާ ތަރުތީބުންނެވެ. ލިސްޓް ތަރުތީބުކޮށްފައި ވަނީ މާކްސް ލިބުނު ގޮތަށް ބަލައިގެންނެއް ނޫނެވެ.
ގެނބިގެން ނުދަނީސް، ހުސައިން ސާމިރު
އަނިޔާ، ހައްވާ މުހައްމަދު
ނެގި ރާޅު، ހައްވާ ޒާހިރާ )ޒާހީ(
ކަނޑުން އެރި ޖިންނި، މުހައްމަދު ޒާހިރު އަލީ
ހީރޯޝީމާ، ނާޒްނީން ފަތުހީ
އޯކިޑް ވިލާ، އަލީ އަންވަރު
ތިޔަ ހަނދާނުގައި، މުހައްމަދު އިމްރާން
ނިހާ، އަހްމަދު ސަލީމް
ވަންހަނާ، އާމިނަތު ޝަހުޒާ
ލައްގަނޑު، މަރިޔަމް ޖަމީލް
އިއްތިފާގެއް ނޫން، މުހައްމަދު ޝާހީން
ދިމަޅި، މަރިޔަމް ރައުހާ
ސިއްރު، އަންވަރު އިބްރާހިމް
ދުޢާ، އަލީ ސުލައިމާން
ހިމޭން ދުނިޔެ، ފާތިމަތު އިނާޔާ މުހައްމަދު
އެ ލޮލުގެ އާދޭސް، ރިޒާނާ އަހްމަދު ހަމީދު
އަންބަރާ، އަބްދުﷲ ސައީދު
ބޮޑު ދެ ލޯ، އަބްދުލް ހަމީދު މުހައްމަދު
ބަދަލުވި ޚިޔާލު، ފާތުމަތު ޒިހުނާ
ކަށިކުނބުރު، ފަތުހުﷲ ސާލިހް
އެކުވެރި ޑައިރީއަށް، އައިޝަތު ޒިދުނާ
އަވާމެންދުރު، ލަމްހާ އަލީ
ސުވާލުމާކު، އާމިނަތު ސުމާ
ހެންވޭރު ޖިންނި، އިބްރާހިމް ޒިހުނީ
އަހަންމަދާ ތެދުވޭ ބޯޅަކުޅެން ދާން ތެދުވޭ، އަހްމަދު ޝަފީގް މޫސާ
ބައްޕަ، އައިމިނަތު ފަޒްނާ ރަޝީދު
އައިޒަން، ލުބްނާ ހަމީދު
މި ދުވަސްވެސް ހިނގައިދާނެ، ހުސައިން އިމްދާދް ސަލީމް
ތަގުދީރު، ޝަކީލާ ހާމިދު
އިންތިހާ، މަރިޔަމް މުހައްމަދު