ދީނުގެ ހަގީގަތް ދެނެގަތުމަށް ސުވާލުކުރަންޖެހޭ ކަމަށާ ކުރާ ސުވާލަކުން މީހަކު ކާފަރު ނުވާނެ ކަމަށް ރާއްޖޭގެ ކުރީގެ ރައީސް އަދި މަޝްހޫރު ދީނީ އިލްމުވެރިޔާ އަލްއުސްތާޒު މައުމޫން އަބުުދުލްގައްޔޫމް ވިދާޅުވެއްޖެ އެވެ.
ރައީސް މައުމޫން މިހެން ވިދާޅުވީ މައުމޫން ފައުންޑޭޝަނުން އިންތިޒާމުކޮށްގެން ރޭ ބޭއްވި އިހްޔާ ފޯރަމްގައި ތަގުރީރުކުރައްވަމުންނެވެ.
"ރަމަޟާން މަސް ޚާއްސަ މައްސަރަކަށްވީ ކީއްވެ؟" މި މައުޞޫއަށް ތަގުރީރުކުރައްވަމުން ރައީސް މައުމޫން ވިދާޅުވީ ރަމަޟާން މަހަކީ ހާއްސަ މައްސަރަކަށްވީ އެންމެ ސަބަބަކާއި ގުޅިގެން ނޫން ކަމަށާ ރަމަޟާން މަސް ހާއްސަވީ ވަރަށް ގިނަ ސަބަބުތަކާއި ގުޅިގެން ކަމަށެވެ.