އުރީދޫ މޯލްޑިވްސްގެ އަހަރީ ދުވަހާއި ގުޅުވައި ކުރިއަށް ގެންދާ ލިވް އަންލިމިޓެޑް ކެމްޕެއިންގެ ދަށުން އުމްރާ ދަތުރު ލިބޭ ހަ ވަނަ ނަސީބުވެރިޔާ ހޮވައިފި އެވެ.
އުރީދޫ ހެޑްކުއާޓާސްގައި ބޭއްވި ރަސްމިއްޔާތެއްގައި އުމްރާ ދަތުރު ލިބޭ ހަ ވަނަ ނަސީބުވެޔާ، އިފާޒުގެ ފަރާތުން އިނާމާއި ހަވާލުވީ ރައުޝަން އިސްމާއިލެވެ.
އުރީދޫ މޯލްޑިވްސްގެ އަހަރީ ދުވަހުގެ މި ކެމްޕެއިނަކީ ކޮންމެ 20 ދުވަހަކުން އުމްރާ ދަތުރެއް ލިބޭ ކެމްޕެއިނެކެވެ. މިގޮތުން 19 ކަސްޓަމަރަކަށް އުމްރާ ދަތުރެއް ދިނުމަށް ހަމަޖެހިފައިވެ އެވެ.
މީގެއިތުރުން އެ ކެމްޕެއިނުގެ 20 ވަނަ އިނާމު ނުވަތަ ގްރޭންޑް ޕްރައިޒެއްގެ ގޮތުގައި ދެ މީހަކަށް ހައްޖު ދަތުރެއް ދިނުމަށް ވަނީ ހަމަޖެހިފަ އެވެ.
ފާއިތުވެދިޔަ 20 އަހަރުގެ ތެރޭގައި އުރީދޫ އިން ވަނީ މުވާސަލާތީ އަދި ޓެކްނޮލޮޖީގެ ގޮތުން ފާހަގަކޮށްލެވޭ ގިނަ ލަނޑުދަނޑިތައް ހާސިލްކޮށްފަ އެވެ.
މިގޮތުން އުރީދޫ ލިވް އަންލިމިޓެޑް ކެމްޕެއިނަކީ އުރީދޫގެ ކާމިޔާބީގެ ފަހަތުގައި ތިބި ކަސްޓަމަރުންނާއި، ހިދުމަތް ދިނުމުގައި ކެނޑިނޭޅި މަސައްކަތް ކުރަމުންދާ މުވައްޒަފުންގެ އަގު ވަޒަންކުރާ ކެމްޕެއިނެކެވެ.
ލިވް އަންލިމިޓަޑް ކެމްޕެއިންގެ އިތުރު މައުލޫމާތު ހޯދުމަށް އުރީދޫގެ ސޯޝަލް މީޑިއާ ނުވަތަ ތިރީގައިވާ ލިންކް ފޮލޯ ކުރައްވާ