އޭޑީކޭ ހޮސްޕިޓަލުން ތަމްރީނު ހޯދާ އިންޓާންޝިޕް ދަރިވަރުންގެ ފުރަތަމަ ގްރޫޕުގެ ތަމްރީނުތައް ފަށައިފި އެވެ.
ވީ ކިހިނެއް؟ - މިކަން ހާމަކުރީ އޭޑީކޭ އިން މިއަދު ކުރި ސޯޝަލް މީޑިއާ ޕޯސްޓެއްގަ އެވެ. އެގޮތުން، މި ތަމްރީނުތަކުގައި 20 ދަރިވަރުން ބައިވެރިވެ އެވެ.
ތަފްސީލް - އޭޑީކޭ އިން ބުނީ ގައުމީ ޔުނިވަސިޓީން ކިޔަވާ ދަރިވަރުން ހަދަނީ މޯލްޑިވްސް މެޑިކަލް އެންޑް ޑެންޓަލް ކައުންސިލް (އެމްއެމްޑީސީ)ން ފާސްކޮށްފައިވާ އެއް އަހަރުގެ ޕްރޮގްރާމެއް ކަމަށެވެ. މި ޕްރޮގްރާމްގައި ހިމެނެނީ:
ވަކި ގޮތަކަށް ބައްޓަންކޮށްފައިވާ ލެކްޗާތައް
ވޯކްޝޮޕްތައް
އެކި ތަންތަނުގައި، ކަނޑައަޅާފައިވާ ސިއްހީ ހިދުމަތްތައް އަމަލީ ގޮތުން ފޯރުކޮށްދިނުން
ހޮސްޕިޓަލުން ބޭރާއި އާންމު މުޖުތަމައުގައި ސިއްހީ ހިދުމަތްތައް ފޯރުކޮށްދިނުން
"އަޅުގަނޑުމެންގެ އަމާޒަކީ ހުނަރުވެރި އަދި ގާބިލު ލައިސަންސް ލިބިފައިވާ ޑޮކްޓަރުން ތަމްރީނު ކުރުމަށް އެހީތެރިވުން،" އޭޑީކޭ އިން ބުންޏެވެ.