މިއަދު މެންދުރުފަހު 3:00ގެ ފަހުން ޒަރޫރީ ބޭނުންތަކަށް މެނުވީ ބްރިޖުން ދަތުރު ނުކުރުމަށް ފުލުހުން އިލްތިމާސް  ކޮށްފިއެވެ.
ފުލުހުން މި ގޮތަށް އިލްތިމާސް ކޮށްފައިވަނީ މިއަދުވެސް އުދަ އެރުމުގެ ފުރުސަތު އޮތްކަމަށް މެޓް އޮފީހުން ލަފާކޮށްފައިވާތީ އެވެ.  ފުލުހުން ބުނީ ކޮންމެހެން ކުރަންޖެހޭ ދަތުރުތަކަށް ހަތަރު ފުރޮޅުލީ އުޅަނދު ބޭނުން ކުރުމަށް އިލްތިމާސް ކުރައްވާ ކަމަށެވެ.
އޭގެ އިތުރުން، ދިޔަވަރު ބޮޑުވާ ވަގުތުތަކުގައި ރައްކާތެރިކަމަށް އިސްކަންދެއްވާ، މާލެ އާއި ހުޅުލެ ނުވަތަ ހުޅުމާލެ އާ ދެމެދު ޒަރޫރީ ދަތުރުތައްވެސް ކުރައްވާއިރު، ޕަބްލިކް ޓްރާންސްޕޯޓް ނުވަތަ ފެރީ ހިދުމަތް ހިޔާރު ކުރައްވާ!
— Maldives Police (@PoliceMv) August 6, 2023
މީގެ އިތުރުން، ދިޔަވަރު ބޮޑުވާ ވަގުތުތަކުގައި ރައްކާތެރި ކަމަށް އިސްކަން ދެއްވާ، މާލެ އާއި ހުޅުލެ ނުވަތަ ހުޅުމާލެ އާއި ދެމެދު ޒަރޫރީ ދަތުރުތައްވެސް ކުރައްވާއިރު، ޕަބްލިކް ޓްރާންސްޕޯޓް ނުވަތަ ފެރީ ހިދުމަތް ހިޔާރު ކުރެއްވުމަށްވެސް ފުލުހުން ވަނީ އިލްތިމާސްކޮށްފައެވެ.
މެޓް އޮފީހުން ލަފާކުރާ ގޮތުގައި މިއަދު ހަވީރު 16:23 އިން ފެށިގެން ދިޔަވަރު ބޮޑުވާނެއެވެ. ދިޔަވަރު ހިކޭނެ ކަމަށް ލަފާކުރެވެނީ ރޭގަނޑު 10:55 ގައި ކަމަށް މެޓް އޮފީހުން ލަފާކުރެއެވެ.
އިއްޔެ ދިޔަވަރު ބޮޑުވި ވަގުތު ބުރިޖް ހިމެނޭ ސަރަޙައްދަށާއި، ރާޅުގަނޑު ސަރަޙައްދަށް ވަރަށް ބޮޑަށް އުދަ އަރާ ބައެއް ގެއްލުންތައް ވެފައިވެއެވެ.