މާލޭ ސިޓީ ކައުންސިލަށް އަލަށް އިންތިހާބުވި މެންބަރު ޚަދީޖާ މުހައްމަދު (ހައްޖަ) އަކީ "ނެޕޯ ބޭބީ" އެއް ނޫން ކަމަށް ވިދާޅުވެ، ރައްޔިތުންގެ މަޖިލީހުގެ އުނގޫފާރު ދާއިރާގެ ކުރީގެ މެންބަރު މުހައްމަދު ވަހީދު (ވައްޑެ) ދެއްކެވި ވާހަކަތަކަށް ރައްދު ދެއްވައިފިއެވެ.
ހައްޖައަކީ އެންމެ ފަހުން ބޭއްވި ލޯކަލް ކައުންސިލް އިންތިހާބުގައި މާލޭ ސިޓީ ކައުންސިލަށް އަލަށް އިންތިހާބުވި މެންބަރެކެވެ. އެމްޑީޕީގެ އެތެރޭގެ އިންތިހާބާ ދިމާކޮށް ޕާޓީގެ އެކި ފެކްޝަންތަކުގެ މެދުގައި ބަހުގެ ހަމަލާތައް ވަނީ ވަރަށް ބޮޑަށް އިތުރުވެފައެވެ.