ޕީޕީއެމްގެ ނައިބު ރައީސް އަދި ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ ގެ މެއަށް ރޭ ފަތިހު އެރި ތަދަކާ ގުޅިގެން އައިޖީއެމްއެޗްގައި ފަރުވާދޭން ފަށައިފި އެވެ.
މީގެ ކުރިން ވެސް ހިތުގެ މައްސަލައަކަށް ފަރުވާ ހޯއްދަވާފައިވާ އަބްދުއްރަހީމް ރޭ ފަތިހު ހޮސްޕިޓަލްގައި އެޑްމިޓް ކުރުމަށް ފަހު މިހާރު މަޑުކުރަނީ ލޭގެ ޓެސްޓެއްގެ ނަތީޖާ ލިބެންދެން ކަމަށް އޭނާގެ ގާތް މީހަކު މިއަދު ބުންޏެވެ.
ޕީޕީއެމްގެ "ރުމާލު 2" ޖަގަހައިގައި ރޭ ބޭއްވި ޖަލްސާގައި އަބްދުއްރަހީމް (ކ-3) ބައިވެރިވެވަޑައިގަންނަވަނީ---މިހާރު ފޮޓޯ: ނިޝާން އަލީ
"އިކޯ ވެސް ހަދައިފި. މާ ބޮޑު މައްސަލައެއް މިހާތަނަށް ފާހަގައެއް ނުކުރެވޭ. ލޭގެ ޓެސްޓެއްގެ ނަތީޖާ ލިބުނީމާ ދޫކޮށްލާނެ ކަމަށް ބެލެވެނީ،" އޭނާ ބުންޏެވެ.
އަބްދުއްރަހީމް ހޮސްޕިޓަލްގައި އެޑްމިޓް ކޮށްފައިވާއިރު، ޕީޕީއެމުން ރޭ "ރުމާލު 2" ޖަގަހައިގައި ބޭއްވި ބައްދަލުވުމުގައި ވެސް އޭނާ ބައިވެރިވެވަޑައިގަތެވެ.