އުމަރު ޒާހިރު އަވަހާރަވުމުން ދިވެހި ދިދަ ބައިދަނޑިއަށް

ނިޝާން އިއްޒުއްދީނުގެ އިއްޒަތުގެ ވެރިޔާ އޮނަރަބަލް އުމަރު ޒާހިރު، އަވަހާރަވުމުގެ ހިތާމައިގައި، ދިވެހި ދިދަ ބައިދަނޑިއަށް ތިރިކުރަން ނިންމައިފި އެވެ.ގިނަ ދުވަސްތަކެއް ވަންދެން ޤައުމަށް ގިނަގުނަ ޚިދުމަތްކުރައްވާފައިވާ ނިޝާން ޢިއްޒުއްދީންގެ ޢިއްޒަތުގެ ވެރިޔާ ޢުމަރު ޒާހިރު އަވަހާރަވީ ކޮވިޑް-19ގެ އާލާސްކަންފުޅަށް ދަރުމަވަންތަ ހޮސްޕިޓަލުގައި ފަރުވާ ހޯއްދަވަމުން ގެންދަވަނިކޮށް މިއަދުގެ ވަގުތެއްގަ އެވެ.އަވަހާރަވިއިރު އެމަނިކުފާނުގެ އުމުރުފުޅަކީ 85 އަހަރެވެ. އަވަހާރަވިއިރު، އަންހެން ބޭފުޅަކާއި ކާފަ ދެ ބޭފުޅުން ދުނިޔޭގައި އެބަތިއްބެވި އެވެ.އުމަރު ޒާހިރަކީ ސަރުކާރު މަތީ ވަރަށް ގިނަ މަގާމެއް ފުރުއްވާފައިވާ ބޭފުޅެކެވެ. 1953 އިން ފެށިގެން 2008 ވަނަ އަހަރާ ހަމައަށް ސަރުކާރުގެ އެކި ފަންތީގެ 26 މަގާމެއް އެމަނިކުފާނު ވަނީ ފުރުއްވާފައި ވެއެވެ.އުމަރު ޒާހިރަށް ދިވެހި ދައުލަތުން ވަނީ ނިޝާން ޢިއްޒުދީންގެ ޢިއްޒަތުގެ ޝަރަފް އަރުވައިފަ އެވެ. އަދި 1990 ވަނަ އަހަރު މިނިވަން 25 ގެ އިނާމު ވެސް ދެއްވި އެވެ.އިތުރަށް ކިޔާލަން:އުމަރު ޒާހިރު އަވަހާރަވެއްޖެ
އަރުޝީފަށް ނެގީ
އެންމެފަހުން އަޕްޑޭޓްކުރީ