މިހާތަނަށް ކްރިމިނަލް ކޯޓްގެ ގާޒީ ކަމުގައި ތިއްބެވި، އަދި ފާޑުކިޔުންތައް އަމާޒުވެފައިވާ ގާޒީ އަބްދުﷲ ދީދީ އާއި ގާޒީ ސުޖާއު އުސްމާން ހައިކޯޓުގެ ފަނޑިޔާރު ކަމަށް އައްޔަން ކޮށްފި އެވެ.
މި ދެ ބޭފުޅުން މިއަދު ހުވާ ކުރެއްވީ ސުޕްރީމް ކޯޓުގައި ބޭއްވި ރަސްމިއްޔާތެއްގަ އެވެ. އެ ދެ ބޭފުޅުން ހައިކޯޓްގެ ފަނޑިޔާރު ކަމަށް ބަދަލު ކުރެއްވީ ހައިކޯޓްގެ ފަނޑިޔާރު ޔޫސުފް ހުސައިން ރިޓަޔަކުރެއްވުމާއި ގުޅިގެންނާއި ހައިކޯޓުގެ ކުރީގެ އިސް ފަނޑިޔާރު އަހްމަދު ޝަރީފް އެ ކޯޓުގެ ފަނޑިޔާރު ކަމުން ވަކިކުރައްވާ ޖުވެނައިލް ކޯޓަށް ބަދަލު ކުރައްވާފައިވާތީ އެވެ.