ރައީސްގެ ލިވަޕޫލްގައި ދިރިއުޅޭ ދަރިވަރުންނާއެކު ހޭދަކުރެއްވި ވަގުތުކޮޅުގައި އެ ކުދިންނަށް ދިމާވާ ދަތިތައް އޮޅުން ފިލުއްވި އެވެ.
ރާއްޖޭގެ ޓޫރިޒަމް ޕްރޮމޯޓް ކުރަން ލިވަޕޫލްއާއެކު ފަށާ ކެމްޕޭން އިފްތިތާހު ކުރަން ޔޫކޭއަށް ރައީސް ޑރ. މުހައްމަދު މުއިއްޒު ކުރައްވާ ދަތުރުފުޅުގައި އެ ގައުމުގައި ކިޔަވާ ދަރިވަރުންނާއެކު ވަގުތުކޮޅެއް ހޭދަކުރައްވައިފި އެވެ.
ރައީސް ޑރ. މުއިއްޒު އިނގިރޭސިވިލާތަށް މިހާރު ކުރައްވަމުން ގެންދަވާ ދަތުރުފުޅުގެ ތެރޭގައި ހިމެނިގެން މިއަދު މެންދުރު ދިވެހި ދަރިވަރުންނާއެކު ބޭއްވެވި މި ބައްދަލުކުރެއްވުމުގައި ދަރިވަރުންގެ ތަޢުލީމީ ކަންކަން ކުރިއަށްދާ ގޮތާއި ދަރިވަރުންގެ ތަޖުރިބާތަކާއި ގުޅޭގޮތުން އޮޅުންފިލުއްވި އެވެ. އަދި މަތީ ތަޢުލީމް ހާސިލްކުރަމުންދާ ދަރިވަރުންނަށް ކުރިމަތިވާ ދަތިތައް ޙައްލުކޮށްދެއްވުމުގައި ސަރުކާރުން ހާއްސަ ސަމާލުކަމެއް ދެއްވާނެ ކަމުގެ ޔަޤީންކަން ދެއްވި އެވެ.
ދިވެހި ދަރިވަރުންނާ މިގޮތަށް ބައްދަލުކޮށްލެއްވުމުން ހިތްޕުޅު ހަމަޖެހިވަޑައިގެންނެވި ކަމަށާއި އެދަރިވަރުން މަތީ ތަޢުލީމް ހާސިލްކުރުމުގައި ލިބިފައިވާ ކާމިޔާބީތަކާއިމެދު ފަހުރުވެރިވެވަޑައިގަންނަވާކަމުގައި އެ މަނިކުފާނު ވިދާޅުވި އެވެ. އަދި، ޤައުމުގެ ތަޢުލީމީ ދާއިރާއަށް ކުރިމަތިވެފައިވާ ގޮންޖެހުންތަކާއި އެކަންކަމަށް ސަރުކާރުން އަޅުއްވަމުން ގެންދަވާ ފިޔަވަޅުތަކުގެ މައްޗަށް ރައީސް ސާފު ކުރެއްވި އެވެ. ރައީސުލްޖުމްހޫރިއްޔާ ރާއްޖެއިން ބޭރަށް ކުރައްވާ މިފަދަ ދަތުރުފުޅުތަކުގައި ވަޑައިގަންނަވާ ގައުމުތަކުގައި ދިރިއުޅެމުންދާ ދިވެހިރައްޔިތުންނާ އަދި އެޤައުމުތަކުގައި ތަޢުލީމު ހާސިލުކުރަމުންދާ ދަރިވަރުންނާ ބައްދަލުކުރެއްވުމަކީ އެ މަނިކުފާނު ވަރަށްބޮޑު އިސްކަމެއް ދެއްވައިގެން ކުރައްވާކަމެކެވެ. އެ ބައްދަލުވުންތަކުގައި ދިވެހީންނަށް ދިމާވާ ދަތިތަކާއި ގޮންޖެހުންތައް އޮޅުންފިލުއްވައި އެކަމަށް ހައްލުތައް ހޯއްދަވައި ދެއްވުމަށް އެމަނިކުފާނު ޚާއްޞަ އިސްކަމެއް ދެއްވަވައެވެ.
ޔޫކޭއަކީ ދިވެހިންގެ ބައެއް އާއިލާތައް ދިރިއުޅޭ ގައުމެވެ. އެ ގައުމުގައި ދިވެހި 300 އެއްހާ ދަރިވަރުން ތައުލީމް ހާސިލް ކުރަމުން ގެންދެ އެވެ.
ރައީސްގެ މި ދަތުރުފުޅުގައި މިއަދު ވަނީ ލިވަޕޫލްގެ އަކްސާ ޓްރެއިނިން ސެންޓަރަށް ޒިޔާރަތް ކުރައްވައި، ފުޓުބޯޅައިގެ ކޯޗިންގްގެ އަދި ތަމްރީނުތައް ބައްލަވާފަ އެވެ. ފަހުގެ ވަސީލަތްތަކާއެކު އެންމެ ޒަމާނީ ފެންވަރަށް ތަރައްޤީ ކޮށްފައިވާ ލިވަޕޫލްގެ އަކްސާ ޓްރެއިނިންގ ސެންޓަރަށް ކުރެއްވި މިޒިޔާރަތުގައި ރައީސް ވަނީ ދިވެހިރާއްޖޭގެ ފުޓުބޯޅައިގެ ތަރައްގީއަށް ކުރެވިދާނެ ކަންކަމާއި ކުރިއަރަމުންދާ އުންމީދީ ކުޅުންތެރީންނަށް ފުރުޞަތުތައް ފަހިކޮށްދެވޭނެ ގޮތްތައް އޮޅުންފިލުއްވާފައެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ
ރައީސް ޔޫކޭގަ | ދަރިވަރުންނާއެކު ވަގުތު ކޮޅެއް
އަރުޝީފަށް ނެގީ
އެންމެފަހުން އަޕްޑޭޓްކުރީ
އެންމެފަހުން އަޕްޑޭޓްކުރީ