ރާއްޖޭގެ ބޮޑު ބަޔަކަށް ކުރިއަށް އޮތް ތިން ދުވަހު ވެސް ވިއްސާރަ ކުރާނެ ކަމަށާއި ބައެއް ރަށްތަކަށް ބޯކޮށް ވާރޭވެހޭނެ ކަމަށް މޫސުމާ ބެހޭ ގައުމީ އިދާރާ (މެޓު އޮފީހުން) މިއަދު ބުނެފި އެވެ.
ވީ ކިިހިނެއް؟ - ހުޅަނގުގެ މި ވިއްސާރައިގައި އިއްޔެ ވެސް ބައެއް ރަށްތަކަށް ކެރި އައެވެ. އެކަމަކު ބޯކޮށް ވާރޭ ވެހެން ފެށީ މިއަދެވެ.
ތަފްސީލް - މެޓު އޮފީހުން ބުނި ގޮތުގައި، ކުރިއަށް އޮތް ތިން ދުވަހު ވެސް ރާއްޖޭގެ ބޮޑު ބަޔަކަށް ވިއްސާރަ ކުރާނެ އެވެ. އެގޮތުން:
ބައެއް ރަށްތަކަށް ބޯކޮށް ވާރޭ ވެހޭނެ
ތިން ދުވަސް ފަހުން ވެސް، ބުދަ އަދި ބުރާސްފަތީގައި ބައެއް ހިސާބުތަކަށް ވިއްސާރަ ކުރާނެ
ކުރިއަށް އޮތް ތިން ދުވަހު ވެސް، ކަނޑުތައް އާދައިގެ ވަރަކަށް ގަދަވާނެ؛ އެގޮތުން އާއްމު ގޮތެއްގައި 10-20 މޭލަށް ވައި ޖެހޭނެ އަދި ވިލާގަނޑުގައި 40 މޭލަށް ގަދަވާނެ
އެނގުން މުހިއްމު - މިއީ ހުޅަނގު މޫސުމުގެ ވިއްސާރަ ނަމަވެސް، ރާއްޖޭގެ ވަށައިގެން އޮތީ އެކި ވަރުގެ ކޮޅިގަނޑުތަކެވެ. އެގޮތުން، ބޭ އޮފް ބެންގާލް އާއި އަރަބި ކަނޑާއި ސްރީ ލަންކާ ކައިރީގައި ވެސް އެކި ކަހަލަ ކޮޅިގަނޑުތަކާއި ތޫފާންތައް އުފެދިފައިވެ އެވެ.