ދިވެހި ފިލްމު ޒުލޭޚާއިން ދިވެހީންގެ މެދުގައި މަޝްހޫރުވި މުޙައްމަދު ނަޢީމް ނިޔާވެއްޖެ އެވެ.
ހެއްވާ މަޖާ އަދި ރުޅިގަދަ ކެރެކްޓާތަކުން ފާހަގަވި ނަޢީމް ނިޔާވީ ރޭގެ ވަގުތެއްގަ އެވެ. މ. މެދުމާޕެލަސް ނައީމް، ނިޔާވީ އުމުރުން 71 އަހަރުގަ އެވެ.
ނަޢީމްގެ ޖަނާޒާ އޮތީ މިއަދުގެ މެންދުރު ނަމާދަށް ފަހު އާސަހަރާގަ އެވެ.
ނަޢީމް އެންމެ ބޮޑަށް ފާހަގަވީ ފިލްމު ޒުލޭޚާގައި އޭނާ ކުޅުނު ރޯލުންނެވެ. އޭގެ ކުރީން އަދި ފަހުން ވެސް ބައެެއް ފިލްމުތަކާއި ސީރީޒްތަކުން ފާހަގަވި އެވެ.