މާލެ އާއި ހުޅުލެ މެދު އެޅިި ސިނަމާލެ ބްރިޖަކީ ރާއްޖެ އާއި ޗައިނާއާ ދެމެދު އޮތް އެއްބައިވަންތަ ގުޅުމުގެ ހެއްކެއް ކަމަށް ބުރިޖް ހުޅުވި އިރު ހައުސިން މިނިސްޓަރަކަށް ހުންނެވި މިހާރު ރާއްޖޭގެ ރައީސް މުހައްމަދު މުއިއްޒު މިއަދު ވިދާޅުވެއްޖެ އެވެ.
ވީކިހިނެއް؟ - ޗައިނާގެ ހިލޭއެހީ އާއި ލޯނުގައި އެޅި ބްރިޖަށް މިއަދު ހަތް އަހަރު ފުރުމާ ގުޅިގެން ރައީސް އެކްސްގައި ޕޯސްޓެއް ކުރެއްވި އެވެ.
ބުނީ ކީކޭ؟ - ރައީސް ވިދާޅުވީ އެ ބުރިޖް ވެގެން ދިޔައީ ރާއްޖޭގެ ކުރިއެރުމަށް އާ މަގެއް ހުޅުވުން ކަމަށެވެ.
"މިއީ، ރާއްޖެ އާއި ޗައިނާއާ ދެ ޤައުމުގެ ދެމެދުގައިވާ އެއްބައިވަންތަކަމާއި، އިތުބާރާއި، ދެމެހެއްޓެނިވި ގުޅުމުގެ ފަޚުރުވެރި ހެއްކެއް،" ރައީސް ލިއުއްވި އެވެ.
އެނގުން މުހިންމު - ކުރީގެ ރައީސް އަބްދުﷲ ޔާމީނުގެ ވެރިކަމުގައި ހިންގި ރާއްޖޭގެ އެންމެ ބޮޑު އުމްރާނީ މި މަޝްރޫއަށް ގާތްގަނޑަކަށް 200 މިލިއަން ޑޮލަރު އޭރު ހަރަދުކޮށްފައިވެ އެވެ. އެ ގޮތުން:
116 މިލިއަން ޑޮލަރަކީ ޗައިނާ ސަރުކާރުގެ ހިލޭ އެހީ
72 މިލިއަން ޑޮލަރު ޗައިނާއިން ދިނީ ލޯނެއް ގޮތުގައި
12 މިލިއަން ޑޮލަރު ހަރަދުކުރީ ދިވެހި ސަރުކާރުގެ ބަޖެޓުން