ޖިންސީ ކުށުގެ އެކި މައްސަލަތަކުގައި މެލޭޝިއާއިން ދިވެއްސަކު ހައްޔަރުކޮށްފި އެވެ.
ވީކިހިނެއް؟ - މެލޭޝިއާއިން ހައްޔަރުކުރީ އަބްދުއްބާތިން މުހައްމަދު މުސްތަފާ ނަމަކަށް ކިޔާ ދިވެއްސެކެވެ. 
ތަފްސީލް - މައުލޫމާތު ލިބޭ ގޮތުގައި، އޭނާގެ މައްޗަށް ޖިންސީ ކުށުގެ ސީރިއަސް ތުހުމަތުތަކެއް ކުރެ އެވެ. އޭގެ ތެރޭގައި:
ރޭޕްކުރުމާއި އަނބިމީހާއަށް ގެވެށި އަނިޔާކުރުން
އޮރިޔާން ކާޑު އުފައްދައިގެން ވިއްކުމާއި ބްލެމެއިލްކުރުން
މަސްތުވާތަކެތި ޓްރެފިކްކުރުން
ބުނީ ކީކޭ؟ - ދިވެހި ފުލުހުން މިއަދު ބުނީ އޭނާ ހައްޔަރުކުރީ މެލޭޝިއާ ފުލުހުން ތަހުގީގުކުރަމުންދާ މައްސަލައަކާ ގުޅިގެނެވެ.
ދިވެހި ފުލުހުން ވެސް އޭނާގެ މައްޗަށް ތުހުމަތުކުރާ ގެވެށި އަނިޔާގެ މައްސަލައެއް ބަލަމުންދާ ކަމަށް ބުންޏެވެ.