ޓޫރިޒަމް ދާއިރާގެ ޖީއެސްޓީ ރޭޓަށް ބަދަލު އަންނާތީ އެކަމަށް ވާންޖެހޭ ތައްޔާރީތައްވުމަށް މޯލްޑިވްސް އިންލޭންޑް ރެވެނިއު އޮޓޯރިޓީ (މީރާ)އިން އިލްތިމާސްކޮށްފިއެވެ.
މުދަލާއި ޚިދުމަތުގެ އަގުން ޓެކްސް ނެގުމުގެ ޤާނޫނަށް 7 ވަނަ އިޞްލާޙު ގެނައުމުގެ ޤާނޫނުގެ ދަށުން 1 ޖުލައި 2025 އިން ފެށިގެނ،ް ޓޫރިޒަމް ދާއިރާގެ ޖީއެސްޓީ ރޭޓް 17 އިންސައްތައަށް ބަދަލުވާނެއެވެ.
މީރާއިން ބުނިގޮތުގައި މި ތާރީޚުގެ ފަހުން ޖީއެސް ޓީ ލާޒިމުވާ ވަގުތު އަންނަ ޓޫރިޒަމް ދާއިރާގެ މުދަލާއި ޚިދުމަތުގެ މުޢާމަލާތްތަކުން ޖީއެސްޓީ ނަގަންވާނީ އައު ރޭޓުގައެވެ.
އެހެންވެ މި ތާރީޚުން ފެށިގެން އައު ރޭޓުގައި ޖީއެސްޓީ ނެގުމަށްޓަކައ،ި ސިސްޓަމްތަކަށް ގެންނަންޖެހޭ ބަދަލުތައް ގެނައުމަށާއ،ި ޓޫރިޒަމް ދާއިރާގެ މުދަލާއި ޚިދުމަތުގައި އެ ތާރީޚުން ފެށިގެން އައު ރޭޓުތައް ހިމަނައިގެން އަގު ޖެހުމަށްޓަކައި ކުރަންޖެހޭ ކަންތައްތައް ދުރާލާ ރާވައިގެން ކުރިއަށް ގެންދިއުމަށް އެ އިދާރާއިން ވަނީ އިލްތިމާސްކޮށްފައެވެ.
މީރާއިން ބުނިގޮތުގައި ޓޫރިޒަމް ދާއިރާގެ ޖީއެސްޓީއަށް ރަޖިސްޓަރީކޮށްފައިވާ ފަރާތަކީ 24 ގަޑިއިރުގެ އުސޫލުން ވިޔަފާރިކުރާ ފަރާތެއް ކަމުގައިވާނަމަ 1 ޖުލައި 2025 ގެ 00:00 ގެ ކުރިން ފޯރުވައިދޭ ޓޫރިޒަމް ދާއިރާގެ މުދަލާއި ޚިދުމަތުގެ އަގުން ޖީއެސްޓީ ނަގަންވާނީ 16 އިންސައްތައިގެ ރޭޓުންނެވެ.
އަދި 1 ޖުލައި 2025 ގެ 00:00 ގައި ނުވަތަ އޭގެ ފަހުން ފޯރުވައިދޭ ޓޫރިޒަމް ދާއިރާގެ މުދަލާއި ޚިދުމަތުން ޖީއެސްޓީ ނަގަންވާނީ 17 އިންސައްތަިއގެ ގެ ރޭޓުންކަމަށް މީރާއިން ބުނެފައިވެއެވެ.