ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތްތަކެއް ކުރާތީ މާލޭގެ ބައެއް ސަރަހައްދުތަކުން މިއަދު ކަރަންޓު ކެނޑިދާނެ ކަމަށް ސްޓެލްކޯއިން ބުނެފިއެވެ.
ސްޓެލްކޯއިން ބުނެފައިވަނީ އެކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތްތަކެއް މިއަދު ކުރިއަށްދާނެ ކަމަށެވެ.
އެގޮތުން ހެނދުނު 09:30 އިން 11:30 އަށް މާލެ ސިޓީ، ބުރުޒު މަގު، އިސްކަންދަރު މަގު އަދި އައިމިނާރަނި ހިނގުން ހިމެނޭ ސަރަޙައްދުން ކަރަންޓު ކެނޑިދާނެ ކަމަށް ބުނެފައިވެއެވެ.
މީގެއިތުރުން ސްޓެލްކޯއިން ބުނެފައިވަނީ މާލެ ސިޓީ، ގުލްހަޒާރު ގޯޅި، ދަކަނދާ މަގު، އުނިގަސް މަގު، މުރަނގަ މަގު، ޢިއްޒުއްދީން މަގު، މުއިވެޔޮ ގޯޅި، ނަސީމީ ހިނގުން، އިސްކަންދަރު މަގު، ހިލާލީ މަގު އަދި ޖަވާހިރު މަގު ހިމެނޭ ސަރަޙައްދުން މިއަދު މެންދުރުފަހު 14:00 އިން 15:15 އަށް ކަރަންޓުގެ ހިދުމަތް މެދުކެނޑުމަކީ އެކަށީގެންވާ ކަމެއް ކަމަށެވެ. އަދި މާލެ އަމީރުއަޙުމަދު މަގު، ބޮޑުތަކުރުފާނު މަގު އަދި ލޮޓަސް ގޯޅި ހިމެނޭ ސަރަޙައްދުން މެންދުރުފަހު 14:30 އިން 16:30 އަށް ކަރަންޓުގެ ހިދުމަތް މެދުކެނޑިދާނެ ކަމަށްވެސް ބުނެފައިވެއެވެ.
މާލެސަރަހައްދުގައި ދެމުންދާ ކަރަންޓުގެ ހިދުމަތުގެ ފެންވަރު ރަނގަޅުކުރުމަށް ސްޓެލްކޯއިން އަބަދުވެސް އަންނަނީ މަސައްކަތް ކުރަމުންނެވެ.