ޖުމްލަ އެކު، 300 އަށް ވުރެ ގިނަ އެތުލީޓުން ބައިވެރިވާ ރިވައިވަލް ބެޑްމިންޓަން ޗެލެންޖް 2025 ބޮޑު ތަރުހީބަކާ އެކު އިއްޔެ ފަށައިފި އެވެ.
ކުޅިވަރު އެކުވެނި ބެޑްމިންޓަން ކޯޓުގައި، މި މުބާރާތުގެ މެޗުތައް އިއްޔެ ފެށިއިރު މި އަހަރުގެ މުބާރާތުގައި ޖުމްލަ 332 އެތުލީޓުން ވާދަކުރެ އެވެ.
މި އަހަރުގެ މުބާރާތުގައި މުޅިން އަލަށް ރިވައިވަލް އިން ވަނީ ސްޕެޝަލް އޮލިމްޕިކް އެތުލީޓުންނާ ޕެރަލިމްޕިކް އެތުލީޓުންނަށް ފުރުސަތުދީފަ އެވެ.
އެ ގޮތުން، ސްޕެޝަލް އޮލިމްޕިކް ފިރިހެން ސިންގަލްސް ބައިގައި ނުވަ އެތުލީޓުން ވާދަކުރާނެ އެވެ. ސްޕެޝަލް އޮލިމްޕިކް އަންހެން ސިންގަލްސް ބައިގައި ފަސް އެތުލީޓުން ވާދަކުރާއިރު, ސްޕެޝަލް އޮލިމްޕިކްސް ފިރިހެން ޑަބަލްސް ބައިގައި ދެ އެތުލީޓުން ވާދަކުރާނެ އެވެ. އަދި ސްޕެޝަލް އޮލިމްޕިކް އަންހެން ޑަބަލްސް ކެޓަގަރީގައި ވެސް ދެ ޕެއާ ވަނީ ބައިވެރިވެފަ އެވެ. މީގެ އިތުރުން މޯލްޑިވްސް ޕެރަލިމްޕިކް ކޮމެޓީގެ ފަސް އެތުލީޓުން ބައިވެރިވާނެ އެވެ.
މި ފަހަރުގެ މުބާރާތުގެ 11 އަހަރުން ދަށުގެ ފިރިހެން ސިންގަލްސް ކެޓަގަރީގައި 11 އެތުލީޓުން ވާދަކުރާއިރު, މި ކެޓަގަރީގެ އަންހެން ސިންގަލްސްގައި 17 އެތުލީޓުން ވާދަކުރެ އެވެ. ތޭރަ އަހަރުން ދަށުގެ ފިރިހެން ސިންގަލްސްގައި އަށް އެތުލީޓުން ވާދަކުރާއިރު، މި ކެޓަގަރީގެ އަންހެން ސިންގަލްސްގައި ވާދަކުރަނީ 26 އެތުލީޓުންނެވެ. އަދި 15 އަހަރުން ދަށުގެ ފިރިހެން ސިންގަލްސްގައި 32 އެތުލީޓުން ވާދަކުރާއިރު, މި ކެޓަގަރީގެ އަންހެން ސިންގަލްސްގައި 31 އެތުލީޓުން ވާދަކުރެ އެވެ.
ރިވައިވަލް ބެޑްމިންޓަން ޗެލެންޖުގެ މެޗެއްގެ ތެެރެއިން.---- ފޮޓޯ: އަދަދު ސްޕޯޓްސް
ސަތާރަ އަހަރުން ދަށުގެ ފިރިހެން ސިންގަލްސްގައި 37 އެތުލީޓުން ވަނީ ބައިވެރިވެފަ އެވެ. އަދި މި ކެޓަގަރީގެ އަންހެން ސިންގަލްސްގައި 19 އެތުލީޓުން ވަނީ ބައިވެރިވެފަ އެވެ. 19 އަހަރުން ދަށުގެ ފިރިހެން ސިންގަލްސްގައި 16 އެތުލީޓުން ވާދަކުރާނެ އެވެ. އަދި މި ކެޓަގަރީގެ އަންހެން ސިންގަލްސްގައި ހަތަރު އެތުލީޓުން ވާދަކުރެ އެވެ.
ފަނަރަ އަހަރުން ދަށުގެ ފިރިހެން ޑަބަލްސް ކެޓަގަރީގައި 15 ޕެއާ ވާދަކުރާނެ އެވެ. އަދި މި ކެޓަގަރީގެ އަންހެން ޑަބަލްސްގައި 15 ޕެއާ ވާދަކުރެ އެވެ. 17 އަހަރުން ދަށުގެ ފިރިހެން ޑަބަލްސްގައި ވެސް 15 ޕެއާ ވަނީ ބައިވެރިވެފަ އެވެ.
އަދި މި ކެޓަގަރީގެ އަންހެން ޑަބަލްސްގައި 10 ޕެއާ ވަނީ ބައިވެރިވެފަ އެވެ. މީގެ އިތުރުން 19 އަހަރުން ދަށުގެ ފިރިހެން ޑަބަލްސްގައި 10 ޕެއާ ވާދަކުރާއިރު, މި ކެޓަގަރީގެ އަންހެން ޑަބަލްސްގައި ތިން ޕެއާ ވާދަކުރާނެ އެވެ.
ރިވައިވަލް ބެޑްމިންޓަން ޗެލެންޖުގެ މެޗެއްގެ ތެރެއިން.--- ފޮޓޯ: އަދަދު ސްޕޯޓްސް
މީގެ އިތުރުން މި ފަހަރުގެ މުބާރާތުގައި ސީނިއާ މެންސް އޯޕަން ޑަބަލްސްގައި 27 ޕެއާ ވަނީ ބައިވެރިވެފަ އެވެ. އަދި މި ކެޓަގަރީގެ އަންހެން ޑަބަލްސްގައި 13 ޕެއާ ވާދަކުރެ އެވެ.
މާލެ ސަރަހައްދުގައި ރަސްމީކޮށް ހުޅުވާލައިގެން ބެޑްމިންޓަން މުބާރާތެއް ކުޅިވަރު އެކުވެނީގައި ނުބާއްވާތާ ގާތްގަނޑަކަށް އަހަރެއްވެފައިވާތީވެ، ރިވައިވަލް އިން އިސްނަގައިގެން ބާއްވާ މި މުބާރާތަށް ވަނީ ބޮޑު ތަރުހީބެއް ލިބިފަ އެވެ. އަދި ރާއްޖޭގެ އެކި ކަންކޮޅުތަކުން، ވެސް މި މުބާރާތުގައި ބައިވެރިވުމަށް މާލެވަނީ އަތުވެފަ އެވެ.
މި މުބާރާތުގެ ޖުމްލަ އިނާމް ފައިސާ 90،000 ރުފިޔާ އަށް އަަރަ އެވެ. އެހެންކަމުން، މިއީ މި ގޮތަށް ބެލިކަމުގައި ވިޔަސް ވާދަވެރިކަން ބޮޑުވާނެ މުބާރާތެކެވެ.