1988 ވަނަ އަހަރުގެ ނޮވެމްބަރު މަހުގެ ތިންވަނަ ދުވަހު ހިނގައިދިޔަ ހާދިސާ އެއީ ރާއްޖޭގެ މުޅި ތާރީޚުގައި ވެސް ކުރިމަތި ކުރުވި އެންމެ ބިރުވެރި ދުވަސް ކަމަށް ގަބޫލުކުރަން ޖެހޭކަމަށް ކުރީގެ ރައީސް މައުމޫން އަބްދުލްޤައްޔޫމް ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވީ ނަސްރުގެ ދުވަހާ ގުޅިގެން މިއަދު އެކްސްގައި ހިއްސާކުރެއްވި ހާއްސަ ޕޯސްޓެއްގައެވެ.
ރައީސް މައުމޫނު  އެދުވަހު ހިނގައިދިޔަ ކަންތައްތަކާއި އެކަންކަން ހިންގުމަށް ދިވެހި ބާޣީންނާއި ބޭރުގެ ދުޝްމަނުން ރޭވި ރޭވުންތަކަށް ފުންކޮށް ވިސްނާއިރު އެއީ ރާއްޖޭގެ މުޅި ތާރީހުގައި ވެސް ރާއްޖެއަށް ކުރިމަތިވި އެންމެ ބިރުވެރި ދުވަސް ކަމުގައި ގަބޫލު ކުރަންޖެހޭ ކަމަށެވެ.
އެދުވަހު ދިވެހި ގައުމަށް މާތް ﷲ ދެއްވި މަތިވެރި ނަސްރަށްޓަކާ ދިވެހި ރައްޔިތުން އެކަލާނގެއަށް އަބަދާ އަބަދު ހަމްދާއި ޝުކުރު ކުރުންމަތީ ދެމިތިބެންޖެހޭ ކަމަށް ވެސް ރައީސް މައުމޫނު ވަނީ ވިދާޅުވެފައެވެ.
އެ އުދުވާނީ ހަމަލާ ރާއްޖެއަށް ދިން އިރު ރައީސުލްޖުމްހޫރިއްޔާގެ މަގާމުގައި ހުންނެވީ ރައީސް މައުމޫނެވެ.