ފަހި ދިރިއުޅުން ކޯޕަރޭޝަން (އެފްޑީސީ) އިން ދޫކޮށްފައިވާ ސޯޝަލް ހައުސިންގް ފްލެޓްތައް ސަބް-ލީސް ކުރުމަކީ ނުވަތަ އެހެން ފަރާތްތަކަށް ކުއްޔަށް ދޫކުރުމަކީ އެގްރީމެންޓާ ހިލާފު ކަމެއް ކަމަށާއި، އެފަދަ ފަރާތްތައް 50,000 ރުފިޔާއިން ޖޫރިމަނާކޮށް ފްލެޓް އަތުލާނެ ކަމުގެ އިންޒާރު އެ ކޯޕަރޭޝަނުން ދީފި އެވެ.ފަހި ފުލެޓެއް ކުއްޔަށް ދޭން އިއުލާންކޮށްފައިވާ މައްސަލައަކާ ގުޅިގެން ހަމްދާން މިއަދު އެކްސްގައި ހިއްސާކުރެއްވި ޕޯސްޓެއްގައި ވިދާޅުވީ، އެ މައްސަލައާ ގުޅޭ މައުލޫމާތު ލިބުމާއެކު އެ މައްސަލަ ތަހުގީގުކުރުމަށް އެފްޑީސީގެ ޓީމަށް އަންގަވާފައިވާނެ ކަމަށެވެ.ހަމްދާން ވިދާޅުވީ ސަރުކާރުން އިޖްތިމާއީ ބޯހިޔާވަހިކަމަށް ދޫކޮށްފައިވާ ފްލެޓްތައް ކުއްޔަށް ދިނުމަކީ މި ހައްގު ކަށަވަރުކޮށްދިނުމަށް ސަރުކާރުން ކުރަމުންދާ މަސައްކަތްތަކަށް ހުރަސްއެޅޭނެ ކަމެއް ކަމަށެވެ. މިއީ ގޯސް އަމަލެއްކަން ފާހަގަކޮށް ހަމްދާން ވަނީ ފްލެޓްތައް ފައިދާ ހޯދާ ވިޔަފާރިއަކަށް ހެދުމަކީ ކޮންމެ ދިވެއްސެއްގެ ހައްގަށް އަރައިގަތުން ކަމަށް ވިދާޅުވެފަ އެވެ.