ގަލޮޅު ގެއަކުން ވަގަށް ނެގި ދެ މިލިއަނެއްހާ ރުފިޔާގެ ތަކެތި 24 ގަޑިއިރު ތެރޭގައި ފުލުހުން ހޯދައި، ވެރިފަރާތާއި ހަވާލު ކޮށްފި އެވެ.ފުލުހުން ބުނީ އިއްޔެ ރިޕޯޓުކުރި އެ ވައްކަމުގެ ހާދިސާއާ ގުޅިގެން ތަކެތި ހޯދީ ގަލޮޅު ޕޮލިސް އިންވެސްޓިގޭޝަނާއި ރެސްޕޮންސް އެންޑް ޕެޓްރޯލް ގުޅިގެން ކުރި މަސައްކަތުން ކަމަށެވެ.ފުލުހުން ބުނީ އިއްޔެގެ ވަގުތެއްގައި ގަލޮޅުގައި ހުންނަ ގެއަކުން ވަގަށް ނަގާފައިވާ ދެ މިލިއަނެއްހާ ރުފިޔާގެ އަގުހުރި ތަކެތި ހޯދައި، އޭގެ ވެރިފަރާތާއި ހަވާލުކޮށްފައިވާ ކަމަށެވެ.މި މައްސަލައާ ގުޅިގެން މީހަކު ހައްޔަރުކުރިކަން ނުވަތަ ނޫންކަން ފުލުހުން ހާމަކޮށްފައެއް ނުވެ އެވެ.