އެމެރިކާއަށް ނިސްބަތްވާ ބިލް ލާކިން އޭނާގެ ހައި ސްކޫލް ޑިޕްލޮމާ ހާސިލް ކުރުމަށް 72 އަހަރު ހޭދަކޮށްފިއެވެ.
ބިލް އޭނާގެ ހައި ސްކޫލްގެ ފަހު އަހަރު ސްކޫލުން ކެނޑެން މަޖުބޫރުވީ 1943 ވަނަ އަހަރު ދުނިޔޭގެ ދެވަނަ ބޮޑު ހަނގުރާމާއި ބައިވެރި ވުމަށެވެ. އޭގެ ފަހުން ސިފައިންގޭގައި ހިދުމަތް ކުރުމަށްފަހު ބިލް ބޭނުންވީ އޭނާގެ ތައުލީމް ފުރިހަމަ ކުރާށެވެ. އެހެންކަމުން ސްކިއާޓޫކް ހައި ސްކޫލުން އޭނާގެ ތައުލީމް ފުރިހަމަ ކުރިއެވެ.
އެސްކޫލުން މިއަހަރު ޑިޕްލޮމާ ހާސިލް ކުރާ ކުދިންގެ ނަން ލިސްޓުގައި ބިލްގެ ނަން ހިމެނި އަންނަ ބުރާސްފަތި ދުވަހު އޮންނަ ހަފްލާގައި ބިލް އަށްވެސް ސެޓްފިކެޓް ލިބިގެން ދާނެ ކަމަށް އެސްކޫލުން ބުނެއެވެ.
މިހާރު ބިލްގެ އުމުރަކީ 90 އަހަރެވެ.